-तिर्थराज अधिकारी, गोरखा, लप्सीबोट हाल सरस्वतीनगर, काठमाडौॅं ६, सेप्टेम्बर ८, २०२२
किराले हीरा बिगार्छ
कोइलाको दलाली हात कालो बन्छ
कौवाको मासुले मिल्दैन अजम्मरी
गधा नुहाउँदैमा हुँदैन गाई फेरि ।
गेरू कपडाले मात्र जोगी हुँदैन
घमण्ड फुल्छ तर फल्दैन
जुन्किरीको पिलपिलले
स्वर्ग उज्यालो हुँदैन
जो गर्जन्छ त्यो बर्सँदैन
अनि ढाँटेको कुरा
काटे पनि मिल्दैन ।
बाँस होस् न बाँसुरी बजोस्
बालुवाबाट के तेल आओस् !
आधा गाग्रो छचल्किन्छ
खै ! नक्कलमा के अक्कल छ ?
समुद्रको भन्दा
खोलाको आवाज ठूलो हुन्छ
भारी बोक्नेको कमाइ
पगरी गुथ्नेले खान्छ
सिंहको नजिकै स्याल चिच्याउँछ
चल्ला सानो हुन्छ
तर हल्ला ठूलो गर्छ !
**तीर्थराज अधिकारीका अरु कविता**
सिफारिस
केप कड नेपाली समाजको साधारण सभा र तेस्रो अधिवेशन सम्पन्न
चिर्पट प्रहार गरी हत्या गरेको अभियोगमा उमेश तामाङ पक्राउ
तिमी मेरो जिन्दगी-भिडियो
एनआरएनएमा कुन बाटो होइन मुक्त राजनीतिको मूल बाटो