-तीर्थराज अधिकारी,गोरखा, लप्सीबोट; हाल:सरस्वतीनगर, काठमाडौँ-६, फेब्रवरी १६, २०२२
हत्यारा र बलात्कारी माला खादा लगाउँछ
भ्रष्टाचारी महात्मा भै नीतिशास्त्र पढाउँछ
सुक्यो कानुनको धारा ढल भित्रेर गन्ध छ
चोरलाई दिँदा साँचो आज नेपाल बन्द छ ।११।
मौरीका घारका चाका मलसाप्रा चपाउँछन्
मौरीलाई निचोरेर अरिङ्गाल अघाउँछन्
भदालो कुर्नका निम्ति बिरालो ठीकठाक छ
रमिता हेर्नका निम्ति आज नेपाल बन्द छ ।१२।
यातायात सबै बन्द, हिँड्न चल्न निषेध छ
शिक्षालयहरू बन्द , पढ्न लेख्न निषेध छ
कारखानाहरू बन्द, चल्दैनन् सब ठप्प छ
खुला भाला र भाटा छन् आज नेपाल बन्द छ ।१३।
भाइभाइ गरेका छन् हानाहान परस्पर
आगामा घिउ थप्ने छन् रोक्न क्वै छैन तत्पर
विषालु ग्यासको गन्ध, उस्तै बारुद गन्ध छ
बैरी हँसाउने पर्व आज नेपाल बन्द छ ।१४।
**तीर्थराज अधिकारीका अरु कविता**
सिफारिस
तिमी मेरो जिन्दगी-भिडियो
एनआरएनएमा कुन बाटो होइन मुक्त राजनीतिको मूल बाटो
हेड्स नेपालद्वारा मानसिक स्वास्थ्यको क्षेत्रमा काम गर्ने हेड्सको प्रति...
रूपान्तरण!