-Tirtharaj Adhikari

पीपलका पातहरू

Hollywood Khabar October 28,2020 Comments

-तीर्थराज अधिकारी, गोरखा, लप्सीबोट; हाल:सरस्वतीनगर, काठमाडौँ-अक्टुवर २९, २०२०

सानो बीज
फैलिइन्छ -निरन्तर
सङ्घर्षले
माटो गालेर
ढुङ्गो फोरेर
भूगर्भ यात्रामा
जराहरू लम्किइरहन्छन् !

शिर उठाई
उचाइ घटाइरहन्छ - आकाशको
हजारौँ वर्षको
शीत/तापको
आरोह/ अवरोहको
शताब्दी शताब्दीको
सृष्टि/प्रलयको
साक्षी बनेको छ
मौन तपस्वी !

वसन्त
हरित वस्त्रले सजाओस् कि
शिशिर
पूरै नङ्ग्याओस्
कुनै उमङ्ग र उत्पीडनका
प्रतिक्रियाशून्य छ
मौन तपस्वी !

तपस्वी
शीत झार्छ-इन्द्रेणी झुलाउन
तपस्वी
तल्लीन छ - नजरहरूमा रङ्ग सजाउन !

पूजित छ - भक्तहरूको
विनाभेद काख लिन्छ
मानव/ मानवेतर!

तपस्वी
उपकारको विनाविज्ञापन
झरीमा ओत
गर्मीमा शीतल
दिन्छ निरन्तर!

तर तिनै सङ्घर्षले खारिएका
जराका रस निलेर
तपस्वीकै जिउमा पलाएका पातहरू
खै ! किन हो ?

मौसमी भाका मिलाउने
मान्छेका ओठहरूसित पो
मित लगाउँछन्
सानै हावासित तिर्मिराएर
तिनकै तालमा फिर्फिराएर
पीपलपाते कहलाउँदै
तपस्वी अस्तित्वमै
क्षणक्षण सङ्कट ल्याइरहन्छन् !!

**तीर्थराज अधिकारीका अरु कविता**

जगत् चिडियाखाना

जगत् चिडियाखाना

उभिएकै छन्-बिचरा बुख्याँचाहरू

आफन्त

तिमी खुसी नै छौ

आगो उसै जन्मिँदैन

उस्तै-उस्तै रूपहरू

माया, नाता र आफन्तहरू

लिफ्टबाट झर्दै

कलाकार नेताहरू

मेरो प्रजातन्त्र

नवजीवनको प्रतीक्षामा

डाक्टर साहेब

यसरी उठ्छ यथार्थ

बुद्धिजीवी:अनौठो किंवदन्ती

भीमोदय

पानी

पाठशाला कता खोजौॅं

आज नेपाल बन्द छ ! (४)

आज नेपाल बन्द छ- ३

आज नेपाल बन्द छ- २

आज नेपाल बन्द छ-१

मकैका फूलहरू

सपनामा हराएको बिपना

बोटको अठोट

भलिबल

भ्रमजाल

भेडा र गोठालाहरू

सत्ता

के प्रयोजन

स्वतन्त्रता !

राजनीतिका जुवाडेहरू

कवि र दुनियाँ

सलाम मुटुका मालिकहरूलाई

घडीको टिकटिक

बग्गीका घोडाहरू