गैरआवासीय नेपाली संघ (एनआरएनए) को सर्वोच्च अदालतको परमादेशद्वारा गठित उच्चस्तरीय समितिको बैठक अप्रिल १३, २०२५ मा बसेको छ। बैठकले अन्य विभिन्न एजेन्डाका साथमा मे ३-५, २०२५ मा आयोजना गरिएको एकता महाधिवेशनमा निर्वाचन अनुगमन समिति समेत गठन गरेको छ।
संघका पूर्व अध्यक्ष तथा उच्चस्तरीय समितिका सदस्य देवमान हिराचनको संयोजकत्वमा ५ सदस्यता निर्वाचन अनुगमन समिति गठन गरेको छ। समितिमा परराष्ट्र मन्त्रालय र कानुन मन्त्रालयका प्रतिनिधि पदेन सदस्य हुने छन् भने बाँकी ४ जना सदस्यहरु संयोजकले नै मनोनयन गर्नेगरी निर्णय गरिएको छ।
