नेपालमा प्रजातान्त्रिक बिधिको बिरुद्ध दुइ ठुला भ्रष्टाचारी दल नेपाली कांग्रेस र नेकपा एमालेले मिलेर राता रात सरकार बनाए यसको मुख्य एउटा मात्र कारण थियो आफ्नो भ्राष्टाचार लुकाउने।
सबैलाई थाहा छ, निवर्तमान उपप्रधान तथा गृहमन्त्री रवि लामिछानेले यी दुइ ठुला तलका नेताहरुको जम्मा जम्मी १०० अर्ब भन्दा धेरैको भ्राष्टाचारका काण्ड छानविन सुरु गरेपछि यो सरकार बनेको हो।
त्यसमा पनि नेपाली कांग्रेस नेत्री डा. आरजु देउबाले लम्पसार परेर ओली सरण गरेर यो स्थिति आएको हो। तर आउने ८४ को निर्वाचनले यी दुवै दललाइ ठुलो तनक दिन्छ त्यसको संकेत सबैले बुझिसकेका छन्।
त्यसलाई अन्यत्रबाट नसकिने भएपछि सुनियोजित तरिकाले संसदमा लगेर छानविन गरियो। संसदको काम ओभरसाइड मात्र हेर्ने हो अभियोग हेर्ने होइन। तर पनि दबाउनकै लागि यसो गरियो। अन्तमा गिरफ्तार गरेर कास्की लगियो।
अघिल्लो पटक गिरफ्तार गरेर चितवन लगे अनि उनलाई सांसद बनाए। यो पटक कास्की लगेर प्रधानमन्त्री बनाउने भए त्यो भने प्रष्ट लाइन देखियो।
त्यसैलाई आज प्रतिक्रिया दिंदै निवर्तमान गृहमन्त्री लामिछानेले आफ्नो फेसबुकमा यस्तो प्रतिक्रिया दिए, कपि जस्ताको तस्तै:
सरकार मर्यो,हामीलाई जुठो पर्यो !!
तपाईंको हातमा तस्करले दिएको करोड पर्ने घडी ,मेरो हातमा चाहि हतकडी ?? तपाई विचौलियाको सेवा गरे बापत लाखौंको चस्मा र जुत्ता लगाउने, मुद्दा मैले खेपि दिनुपर्ने? तपाई प्रमाणित भ्रष्टाचारी बाट करोडौंको जग्गा खुल्लम खुल्ला लिने,मैले ठगीको आरोप खेपी दिनुपर्ने । तिमीहरु राज्यका भए भरको शक्ति लगाएर अनुसंधान गर्दापनि केही भेट्दैनौ अनि तिम्रो एउटा नेताको राजनीति जोगाउन र तिम्रो दुई तिहाइको सरकार जोगाइदिन म बली चड्नु पर्ने? तिमी र तिम्रा नेता मिलेर सहकारी बाट ८७ अर्ब अपचलन गर्ने, मैले सहकारी ठग भैदिनु पर्ने?
यति गरेपछी भाटभटिनीको इस्यु मोड्नपनि पाइयो। प्रमाण छ भन्ने युवा नेतालाई पनि भागेर हिड्न परेन। तर म कहिले भागेर हिडिन र हिड्दिन पनि। ओली जी, भ्रष्टाचारी समाउन मैले प्रधानमन्त्रीको अफर लत्याए, तिनै भ्रष्टाचारी जोगाउन तपाईले त्यही अफर रातारात विचौलियालाई साक्षी राखेर लिनुभो।
वाचा स्वरुप तपाईंले मेरो बली चडाउने सम्झौता त्यसै रात गर्नु भएको थियो।यो मलाई राम्रो सँग थाहा छ।तपाईको मन्त्रीमण्डल त्यसको साक्षात प्रमाण हो। तपाईहरुका दलका नेता/कार्यकर्ता प्रमाणित सहाकारी ठग हुन् । कोहि जेलमा छन् कोहि फरार छन् ।तपाईहरु तिनलाई जोगाउन लागिपर्नु भएको छ। अब तपाईहरु बाट पीडितले न्याय पाउदैनन् । त्यसैले अब सहकारी पीडितको आवाजको नेतृत्व हामी गर्छौ।
ठिक छ,म तपाईहरुको दिनगन्ती शुरु भएको खुशियालीमा कानुनलाई पुरै सघाउने प्रतिवद्द्ता ब्यक्त गर्दछु ।
नयाँ पुस्तालाई एक एक गर्दै सक्काउदै जाने तिमीहरुको कुनियतले तिमीहरुलाई चाडै रसातलमा पुर्याएको यो देशले चाडै देख्ने छ। शुरूवात तिमीहरुले गर्यौ,अन्त्य हामी गर्नेछौ, नेपाली जनताले गर्नेछन्, छिट्टै गर्नेछन्।
अहिलेलाई,सरकार मर्यो हामीलाई जुठो पर्यो। तर मलाई न्यायलय प्रती आशा र न्याय प्रेमी जनता प्रति भरोसा छ। प्रिय रास्वपा परिवारका साथीहरू, शिर ठाडो राख्नु होला। तपाईको सभापतिले कसैलाई ठगेको छैन।