कृष्ण केसी, अमेरिका, नेवेम्बर २८, २०२५
गैरआवासीय नेपाली (एनआरएन) द्वारा २००३ मा स्थापना भएको गैरआवासीय नेपाली संघ (एनआरएनए) अन्तत समाप्तिको लाइनमा पुगेको छ। दुइ दशक बढीको इतिहास बोकेको संघलाइ पूर्व अध्यक्ष कुमार पन्तले एमाले दल र कांग्रेसका गगन थापा समुयाको दवाबमा लागेर २०२२ मा फुटालेर दुइटुक्रा बनाए। अदालतको परमादेशले एकताको महाधिवेशनबाट निर्वाचित भएका अध्यक्ष महेश श्रेष्ठले संघलाइ बद्रि केसीलाइ बेचिदिने भएका छन्। सुन्दा कतिपयको रौं ठाडो होला तर अन्तिममा आउने नतिजा यहि हो।
स्थापनको २००३ देखि २००९ सम्म डा. उपेन्द्र महतोको नेतृत्वमा संघ बिस्तार हुने काम भयो तर कानुनि रुपमा दर्ता गर्ने उनको सोच थिएन र गर्न लागि नै परेनन। २००९ मा देवमान हिराचनको पालामा संघले केहि उदाहरणीय काम गरेको रेकर्ड पाइन्छ। एनआरएन कार्ड उनको सोच थियो र त्यसले अझै पनि काम गर्दैछ। यो सुन्दर इतिहास हो।
२०११-२०१३ सम्म जिबा लामिछानेको नेतृत्वमा लगानीको नाममा डबल डिप गर्दै आम एनआरएनहरुको नाम बेचेर लुट्नु सम्म फाइदा लुटे। एनआरएन इन्फ्रास्टक्चरमा लगानी गराए आफ्नो पैसा बम भएपछि झिकेर भागे अनि बाँकीको पैसा फसेको छ। उनको पालामा गैरआवासीय नेपाली र संघको काम भएन।
उनले नै एमालेलाइ सोझै एनआरएनमा हस्तक्षेप गर्न निम्ताएका हुन्। इतिहास साछी छ, एमालेका इश्वोर पोख्रेल र भिम रावलको हस्तक्षेप प्रवेस गराउने व्यक्ति जिबा लामिछाने नै हुन्। यसैका कारण संघमा चरम राजनीति बढ्दै गयो। उनले बिस्तारै संघलाइ एमालेकरण गरे।
२०१३ देखि २०१७ सम्म शेष घलेको दुइ कार्यकालमा संघ दर्ता भयो र एनआरएनहरुका नागरिकता, मुख्याल क्याम्पस बनाउने काम भयो। लाप्रका नमुना बस्ति लगायतका अन्य थुप्रै काम भए। ५० करोड भन्दा धेरै रकम खातामा जम्मा भएको थियो। २०१७ देखि २०१९ सम्म भबन भट्टको पालामा संघको त्यो ५० करोड खाता रित्याउने काम भयो।
२०१९-२०२१ का अध्यक्ष कुमार पन्तको पालामा संघ असफल भयो। उनले संघलाइ फुटालेर दुइवटा बनाए। एउटाको नेतृत्व बिनोद कुँवरले गरे भने अर्कोको नेतृत्व त्रिसंकु अध्यक्ष कुल आचार्य, बद्रि केसी र रबिना थापाको नेतृत्वमा छोडे।
अति भएपछि बिनोद कुँवर नेतृत्वको टिमले सर्वोच्च अदालतमा न्यायको लागि निवेदन दियो। परमादेशले भनिएका दुवै १० औं महाधिवेशन र तथाकथित ११ औं महाधिवेशन सबै रद्ध गरेको थियो। तर अहिले आएर त्यहि रद्ध भएको सिनो महाधिवेशन साछी बकाउन संघ बिक्रीमा राखिएको छ। बिक्रीकर्ता महेश श्रेष्ठ, खरिदकर्ता बद्रि केसी भएका छन्। बिचमा बिचौलिया र भत्खौरेहरु पछि लागेका छन्।
