कृष्ण के सी, नोवेम्बर ५, २०२५
पंचायत फालेर बहुदलपछि रामराज्य हुन्छ भन्थे भएन
राजतन्त्र फालेर लोकतन्त्रपछि हुतुतु कुद्छ भन्थे भएन
देश काटेर संघियताले देशनै सुकिलो हुन्छ भन्थे भएन
जे-जे जसो-जसो गर्दा जे-जे हुन्छ भन्थे त्यो त्यो भएन
।१।
खश-आर्य-जातीय बिभाजन गर्दा बिकास हुन्छ भन्थे भएन
जनजाति-दलित बिभाजनले देश बिकास हुन्छ भन्थे भएन
समानुपतिक सिट बाँडेर उत्थान-पुनरुत्थान हुन्छ भन्थे भएन
जेजे गरे त्यो आवश्यक थिएन जेजे गर्नुथियो त्यो हुँदै भएन
।२।
प्रशाशन संरचनाको परिवर्तन राजनैतिक सिद्धानतले हुन्छ
देशको बिकाश अर्थ र समाजशास्त्रको सिद्धानतले हुन्छ
सिंङ्गो देश टुक्र्याएर बाँड्दैमा कसरी पो संघियता हुन्छ
सिमापारीको टुक्रा ल्याएर बनेको प्रदेश पो संघियता हुन्छ
।३।
परिवर्तनको नाममा भत्काए, मारे-मराए जिउँदै जलाए केहि फलेन
पैसा गन्ने मशिनमा भात पकाउन मिल्दैन अरु जले त्यो किन जलेन
नेताको घरमा पैसा गन्ने मशिन किन चाहियो जवाफ त कतै मिलेन
गर्नुपर्ने नागरिकको सामाजिक-आर्थिक बिकास थियो कसैले गरेन
।४।
