नेकपा (माओवादी केन्द्र) का उपमहासचिव जनार्दन शर्माले दलको नेतृत्व पुस्तान्तरण कम्तिमा पनि एक दह झार्न गरेको प्रयास धेरै बर्ष भयो तर पनि दलका अध्यक्ष पुष्पकमल दाहाल ‘प्रचण्ड’ ले उल्टै शर्मालाइ दल छोड्न भन्दै आएका छन्।
नेपालको सेप्टेम्बर २०२५ को जेनजी आन्दोलनले पुराना पार्टी र नेतृत्वको औचित्य सकिएकाले अब अध्यक्ष प्रचण्डले राजीनामा दिनुपर्ने कुरा शर्माले बताएका हुन्। उनले पार्टी भित्र नै बहस सुरु गरेका माओवादीका एक नेताले बताए।
शर्माले १६ बुँदै प्रस्ताव सहित अध्यक्ष प्रचण्डको राजीनामा मागेका छन्। शर्माले पार्टीभित्र रुपान्तरणको कुरा गर्दै आएका थिए तर अहिले त्यसमा र पुस्तान्तरणको कुरा थपेर प्रचण्ड नेतृत्वको औचित्य नरहेको उनको निष्कर्ष छ।
शर्माका प्रस्तावहरु :
१, जेनजी आन्दोलनले थिग्रिएको भ्रष्टाचारयुक्त राजनीति, संस्कृतिमाथि प्रहार गरेकाले त्यसको सकारात्मक संश्लेषण गर्नुपर्ने।
२, यसले दलतन्त्र, नेतातन्त्र, कमिसनतन्त्र र दलालीका सबै पाटापक्ष उजागर गरेकाले अब देशलाई नयाँ ढंगले अगाडि बढाउनुपर्ने ।
३, वर्तमान सरकारलाई सहयोग गर्दै निर्वाचनमा जाने वातावरण बनाउनुपर्ने।
४, पार्टीभित्र सम्पत्ति छानबिनबारे विगतदेखि राखेको माग कार्यान्वयन गर्न स्वतन्त्र व्यक्तिको नेतृत्वमा आयोग गठन गर्नुपर्ने।
५, २०४६ पछि पदमा बसेका सबै क्षेत्रका निवृत्तहरुको सम्पत्ति छानबिन र जेनजी आन्दोलनमा जनधनको क्षतिबारे उच्चस्तरीय आयोग बनाउन अहिलेको सरकारसँग माग गर्नुपर्ने।
६, पार्टीको मूल नेतृत्वले तत्काल राजीनामा दिनुपर्ने।
७, नेतृत्व निर्वाचन प्रणाली प्रत्यक्ष निर्वाचितको मोडेलमा लैजानुपर्ने।
८, कुन पदमा कुन व्यक्ति कति पटक बस्ने भन्ने ठोस र स्पष्ट नीति बनाउनुपर्ने।
९, वर्तमान निर्वाचन प्रणाली अन्त्य गरी पूर्ण समानुपातिक निर्वाचन प्रणाली मार्फत संसद् निर्माण लागि राजनीतिक बहस प्रारम्भ गर्नुपर्ने।
१०, प्रत्यक्ष निर्वाचित कार्यकारी राष्ट्रपतिको कुरालाई जोडदार रुपमा उठाउनुपर्ने।
११, पार्टी भित्रका दलित महिलाका समस्या समाधानका लागि स्पष्ट दृष्टिकोण निर्माण गर्नुपर्ने।
१२, सांस्कृतिक बिचलन, यौन अराजकता जस्ता घटनाक्रमको छानबिन गर्नुपर्ने।
१३, शहीद, बेपत्ता परिवार र घाइते योद्धा तथा अशक्त र वृद्ध वृद्धाहरुको संरक्षणसम्बन्धी नीति तय गर्नुपर्छ।
१४, श्रम र आर्थिक उत्पादनसम्बन्धी पार्टीको नीति, योजना र कार्यक्रममार्फत सबैलाई स्वरोजगार बनाउन अभियान सुरु गर्नुपर्ने।
१५, राष्ट्रियता गम्भीर संकटमा रहेकाले राष्ट्रियताको रक्षाका लागि सतर्कतापूर्वक पार्टीपंक्तिलाई सचेत राख्नुपर्ने।
१६, उपर्युक्त लक्ष्य पूरा गर्न सो अनुसारको संगठन बनाउनुपर्ने।
