गायक रामकृष्ण ढकाल धेरैपछि पुरानै शैलीको गीतबाट फेरी चर्चामा आएका छन्। बिशेषगरी बिरहका भावसहित त्यस्तै लय र स्वरका गीतहरु गाउने गायकका रुपमा ढकाल परिचित छन्। लामो समय यस्तै दुख पीडा पीर र वेदनाले भरिएका गीत गाएका ढकालले पछि पप र लोक संगै रमाईला गीत पनि गाउन थाले ।
पुरानो शैलीको गीत कम आएपछि उनका श्रोताहरु दुखी पनि भए । तर केही समय पहिला ढकालले बजारमा ल्याएको ‘फुटेको छु शीशाजस्तै’ बोलको गीतले उनका श्रोताहरुमा खुशीयाली छाएको छ । गीत धेरैले मन पराएका छन्। गीतकार सतीश चापागाईको शब्द रहेको गीतलाई राजनराज सिवाकोटीले संगीत दिएका हुन् । गीतको भिडियोमा गायक ढकाल स्वयंले अभिनय गरेका छन् ।