अमेरिका र बिश्वका धेरै देशमा Thanksgiving अर्थात टर्की खाने दिन भनेर चिनिने यो पर्व हरेक बर्ष फल सिजनमा पर्दछ। खासगरी यो दिन देखि होलिडे सिजन सुरु हुन्छ। यो पर्व बिश्वोका धेरै देशमा मनाइन्छ तर अमेरिकामा चाहिं Thanksgiving को दिन नेशनल होलिडेकै रुपमा मनाइन्छ।
कतिपय देशमा Thanksgiving अक्टुवर देखि नोवेम्बर सम्म फरक फरक दिनमा मनाइन्छ। खासगरी United States, Canada, Saint Lucia, Liberia ले राष्ट्रिय रुपमा मनाउँछन्। Brazil र Germany ले पनि Thanksgiving डे मनाउँछन। Australia, Norfolk Island, Japan, Thailand, South Korea लगात धेरै देशमा Thanksgiving मनाइन्छ।
इतिहासलाइ हेर्ने हो भने Thanksgiving लाई बाली भित्र्याउने चाडको रुपमा सुरु ‘Blessings of the harvest’ भनेर चर्चा गरिएको पाइन्छ। Thanksgiving नर्थ अमेरिकामा भने होलिडे सिजनमा पर्ने परीवार भेटघाट गर्ने ठुलो र रमाइलो चाड हो। नेपालीहरु दशैँमा ठुलाबडाको गएजस्तै Thanksgiving मा आफ्ना अभिभावककोमा जान्छन।
Thanksgiving को समयमा अमेरिका हवाई र स्थलमार्ग गरेर ठुलो संख्यामा यात्रीहरु आफन्त भेट्न आवागमन गर्छन। नेपालको दशैंमा खशी खाने आफ्नो घर र ठुलाबढाको घर जाने जस्तै यो पनि केहि रुपमा समान छ। Thanksgiving मा टर्कीका परिकार खाने, साथमा चुस्त वाइन पिउने, बाहेक सकर खेल्ने, परेड गर्ने जस्ता गतिबिधि पनि हुन्छन। सजावटमा भने फल सिजन भएकाले झरेका पत्कर र हलोविन देखि सुरु हुने फर्सीको सजावट गरिन्छ। त्यसैले Thanksgiving मा हवाई र सडक यात्रा अत्यन्तै व्यस्त हुन्छ।
Thanksgiving चाड Protestant Reformation र English Reformation जस्ता इतिहासका पाटामा धर्मसंग जोडिएको छ। तर पछिल्ला बर्षमा Thanksgiving को बिशेषता भनेको टर्की र यसका परिकार बनाउने, ठुला-बडाको घरमा खान जाने, भेटघाट गर्ने र शुभकामना लिने-दिने नै मुख्य चलन हो।
व्हाइटहाउसमा राष्ट्रपतिद्वारा ‘टर्की पार्डन’ गर्ने र टर्की राख्ने दिनको बिधि यसको केहि दिन पहिला नै सम्पन्न गरिन्छ। टर्की पार्डन (माफी दिने) भनेको अमेरिकी Thanksgiving को एउटा परम्परा हो। व्हाटहाउसमा राष्ट्रपतिले औपचारिक रूपमा टर्कीलाई ‘माफी’ दिन्छन्। त्यसको अर्थ त्यो टर्कीलाइ खानु नपरोस्। माफी पाएको टर्कीलाई फार्म वा बिश्वबिद्यालय या अन्य ठाउँमा पाल्नको लागि दिइन्छ। यसपछि लगत्यै फर्स्ट लेडीले ‘क्रिस्टमस ट्रि’ को स्वागत गर्ने दिन आउँछ। यो बर्षको Thanksgiving को सबैलाई हार्दिक शुभकामना !
