नेपाली कांग्रेसका २५ जना केन्द्रिय सदस्यहरुले कांग्रेसलाइ सहि रुपमा अगाडी बढाउन ७ बुंदे राय दिएको कुरा मध्येमार्गी भूमिका खेल्दै आएका केन्द्रिय सदस्य उदय शम्शेर राणाले आफ्नो फेसबुक मार्फत सार्वजनिक गरेका छन्। केन्द्रिय नेताहरुले पार्टीका कार्यबाहक सभापति पुर्णबहादुर खड्कालाइ संबोधन गर्दै पार्टीको सहि निकाशा दिन ७ बुंदे मार्गचित्र दर्ता गराएका छन्।
हस्ताक्षर सहित दर्ता गराएको सो धारणाको प्रति नेता राणको फेसबुकबाट जस्ताको तस्तै:
१५ औँ महाधिवेशनको तयारीका क्रममा संगठन सुदृढिकरण, आन्तरिक लोकतन्त्र, पारदर्शिता र युवा सहभागिता सम्बन्धी प्रस्तुत सुझाव र मागहरू हाम्रो लोकतान्त्रिक मूल्य र संस्थागत सुधारका लागि सामूहिक आवाज हुन्। आज हामीले संगठनात्मक एकता, महाधिवेशनको मार्गचित्र, संविधान संशोधनमा आवश्यक स्पष्ट नीति तथा राष्ट्रिय दायित्वबारे सामूहिक धारणाऔपचारिक रूपमा सार्वजनिक गरेका छौँ। अहिलेको संवेदनशील राजनीतिक अवस्थामा एकतर्फी वा उग्र बाटो होइन, कांग्रेस र देश दुवैका लागि जिम्मेवार मध्यम, विवेकपूर्ण र समाधानमुखी मार्गबाट अघि बढ्नु अत्यन्त आवश्यक छ।
