आज नोवेम्बर ११, २०२५ यो बर्षको अमेरिकी भेटरान्स डे परेको छ। भेटरान्स डे भनेको संयुक्त राज्य अमेरिकाको सैनिक र सुरक्षा बलमा सेवा गरेका राष्ट्र सेवकहरुलाइ सम्मान गर्दै धन्यवाद दिने दिन हो। हरेक बर्ष नोभेम्बर ११ मा मनाइने भेटरान्स डे अमेरिकी इतिहासमा स्थापित दिन हो। भेटरान्स डे का दिन सार्वजनिक बिदा दिइन्छ।
इतिहासमा उल्लेख गरिएका अनुसार, भेटरान्स डेको सुरुवात पहिलो विश्वयुद्धको अन्त्यमा भएको मानिन्छ। त्यो समय यसलाई “महान युद्ध” पनि भनिन्थ्यो। १९१८ मा ११ औं महिनाको ११ औं दिनको ११ औं घण्टामा, मित्र राष्ट्रहरू र जर्मनी बीच युद्धविराम लागु भयो। तरपनि युद्ध समाप्त भने भएको थिएन। अर्को वर्ष औपचारिक रूपमा भर्साइलको सन्धिले युद्ध समाप्त गर्यो गर्दै नोभेम्बर ११ लाई “सबै युद्धहरू अन्त्य गर्ने युद्ध” को अन्त्यको रूपमा विश्वव्यापी रूपमा मान्यता प्राप्त गर्यो।
अमेरिकी इतिहासका विभिन्न रेकर्ड, दर्जनौ, सयौं, हजारौं रेकर्ड, पुस्तक र थुप्रै अनलाइन रेकर्ड जस्तोकी histry.com अनि flagladyusa.com समेतका अनुसार, नोभेम्बर १९१९ मा राष्ट्रपति Woodrow Wilson ले नोभेम्बर ११ लाई युद्धविराम दिवसको पहिलो स्मृति दिवसको रूपमा घोषणा गरे। राष्ट्रपति Wilson ले बिहान ११:०० बजे परेड, सार्वजनिक बैठक र व्यावसायिक गतिविधिहरूको परंपरालाइ सुधार्दै युद्धमा सेवा गर्नेहरूले गरेको बलिदानहरूलाई स्मरण र सम्मन गर्ने र अमेरिकीहरूलाई शान्तिको लागि सम्झना गराउने दिनको रूपमा परिकल्पना र सुरुवात गरे। त्यो नै इतिहासको पहिलो पाइला थियो।
भेटरान्स डे लाइ १९२६ मा कांग्रेसले सबै सार्वजनिक स्थान र संस्थाहरूमा समारोहहरू सहित भेटरान्स डेलाइ मान्यता दिने प्रस्ताव पारित गर्यो। अनि अमेरिकीहरूलाई युद्धमा लडेका र आफ्नो जीवन अर्पण गर्ने मानिसहरूलाई सम्झन प्रोत्साहित गर्यो।
दोस्रो विश्वयुद्ध र कोरियाली युद्धपछिका समय सम्म पुग्दा भेटरान्स डेको महत्त्व बढ्दै गयो भन्ने निर्क्योल यसका विश्लेषकहरुले गरेका छन्। अनि युद्धविराम दिवसबाट भेटरान्स डेले बढी स्थान पायो।
१९५४ मा राष्ट्रपति Dwight D. Eisenhower ले आधिकारिक रूपमा युद्धविराम दिवसको नामलाइ भेटरान्स डे को रुपमा परिवर्तन गर्न कानूनमा हस्ताक्षर गरे। यो परिवर्तनले हरेक द्वन्द्व, विगत र भविष्यका सबै भेटरानहरूको योगदानलाई स्वीकार र सम्मान गर्यो। भेटरान्स डे अमेरिकीहरुले उनीहरूको देशभक्ति, राष्ट्र सेवा र बलिदानको लागि धन्यवाद दिने र सम्झने दिन बन्यो।
