नेपाली कांग्रेसमा क्रियाशील सदस्यता जहिले पनि विवादको बिषय हुने गरेको छ। यस्तो अवस्थामा कांग्रेसमा मध्यमार्गले बिशेष भूमिका खेल्ने गरेको छ। यो पटक पनि विदाद आएको छ। त्यसलाई सहज बनाउन मध्येमार्गको भूमिका केन्द्रिय सदस्य उदय शम्शेर राणाले गरेका छन्।
उसो त नेपाली कांग्रेसको गत १४ औं महाधिवेशनको क्रियाशील सदस्यता विवाद नै टुंगिएको छैन। तर पनि क्रियाशील सदस्स्य्ता विवाद टुङ्ग्याउन २०८१ कात्तिक १४ गते नेपाली कांग्रेसको बैठकले नै निर्णय गरेर महामन्त्री गगन थापाको नेतृत्वमा चार सदस्यीय क्रियाशील सदस्यता व्यवस्थापन समिति बनाएको थियो।
सबैलाइ जग-जाहेर भएकै कुरा हो महामन्त्री थापा गफ मात्र गर्छन, हावाका एजेन्डा उठाउँछन् अनि टुंगोमा नपुग्दै सोच बदल्छन। अरुलाई भर्याङ्ग बनाएर आफू माथि चड्ने गर्छन अनि भर्याङ्ग फाल्दिन्छन। यो नै उनको अहिले सम्मको बिधि हो। यिनै निकम्मा पनले गर्दा उनलाई मात्र होइन सिंगो कांगेसनै अनिर्णयको बन्दि बनेको छ।
चालु केन्द्रिय समिति बैठकमा महामन्त्री थापाले आफ्नो समितिको प्रतिवेदन प्रेस गरे। उनको रिपोर्ट अनुसार:
१. हाल सम्म ६२ जिल्लामा वडा तहबाट नवीकरण सिफारिस भई तहगत प्रक्रिया पूरा गरी विवरण पठाउने क्रममा छ तर आएको छैन।
२. त्यसैगरी १९ जिल्लामा रहेका १६३,८०८ क्रियाशील सदस्यमध्ये ११८,७९४ सदस्यता नवीकरण भई केन्द्रीय कार्यालयमा इमेलमार्फत विवरण प्राप्त छ तर त्यससंबन्धि कुनै कारबाही भएको छैन।
३. प्राप्त भएको भनिएका २७ जिल्लाका नवीकरण भएको भनिएको १९०, ४६० सदस्यता केन्द्रमा बुझाएकै छैन।
४. अनि ४६ जिल्लाबाट आएका ३०९,५४ सदस्यता नवीकरणको विवरण इन्ट्री नै नगरी बेवारिस राखिएको छ।
५. बिदेशस्थित जनसम्पर्क समिति मार्फत गएका सदस्ताको भने रिपोर्ट वेबसाइटमा छैन। जवाफ पनि छैन।
स्मरणीय कुरा, उनलाई सो काम सम्पन्न गर्न ६ पटक ताकेता गरेको तर उनले तेरेनन। उल्टा उनलाई सहज होस् भनेर नै गत असारमाको केन्द्रीय कार्यसमिति बैठकले २०८२ असोज मसान्तसम्म नवीकरणका लागि समय थप्ने निर्णय गरेको थियो। तरपनि उनले काम गरेनन। जिल्लाबाट आएको सदस्यता नै इण्ट्री नगराउनुको कारण भनेको महामन्त्री निकम्मा छन् त्यसैले हो, एकजना केन्द्रीय सदस्यले प्रतिक्रिया दिए।
त्यसैले गर्दा नेपाली कांग्रेसको महाधिवेशन तत्काल संभव नहुने भएको छ। सँस्थापन पक्षले बैसाखमा गर्ने जोड दिएको छ। नेता डा. शेखर कोइरालाले समयमै गर्न जोड दिएका छन्। थापा पक्षले बिशेष महाधिवेशन गर्ने भनेको छ। यी तिनै कुरामा मत मिलेको स्थिति भने छैन। मध्येमार्गी नेता उदय शम्शेर राणाले बैशाखमा केन्दिय महाधिवेशन गरौँ, हस्ताक्षर अनुसार बिशेष महाधिवेशनको एउटा एड्रेस गरेर त्यसलाई बन्द गरौँ। अब तुरुन्तै स्थानिय देखि महाधिवेशन सुरु गरौँ भनेका छन्।
पछिल्लो समय ६ भाइ भनेर आएका डा. प्रकाश शरण महत, डा. शशांक कोइराला, गोपालमान श्रेष्ठ, प्रकाशमान सिंह, बिजय गच्छदार र बिमलेन्द्र निधिले पार्टी फुटाएर नै भएपनि जाने जोड दिएता पनि उनीहरुको बैठकमा जम्मा ६ जना मात्र हुने गरेका छन्।
