राष्ट्रिय स्वतन्त्र पार्टीकी केन्द्रिय नेतृ डा. तोसिमा कार्की कुनै न कुनै एजेन्डामा सक्रिय व्यक्ति हुन्। संसद हुँदा या नहुँदा होस्। चाहे त्यो आफ्नै दलको कुरामा होस् या अन्य बिषयमा होस् देखेको कुरा बोल्छिन। पछिल्लो समय आफ्नै दलको पुनर्गठनको बिषय उठाएकी छन्।
दलको संस्थापन पक्षले भने उनलाई किनारा लगाउँदै गएको कुरा आमा संचारले लेख्ने गरेका छन्। उनका प्रतिपक्षहरुले सोसल मिडियामा कटाक्ष गर्ने गरेका छन्। बिशेष गरेर कांग्रेसका गगन थापापक्ष यसमा अगाडी छ। केहि दिन पहिला उनले पार्टीमा एउटा प्रस्ताव दर्ता गराएकी थिइन। त्यसैलाई तान-तुन गरेर उनि संजालमा छाइन। त्यसपछि उनले आफ्नो फेसबुकबाट विषलाई प्रष्ट पारेकी छन्।
डा. कार्कीले राष्ट्रिय स्वतन्त्र पार्टी सुन्दर विकल्प हो तर अझै थुप्रै कुरामा परिवर्तन गर्नु जरुरी रहेको कुरा जिकिर गरेकी छन्। उनले यसलाई सभापति रवि लामिछानेको विकल्प खोजेर बिचार राखेको होइन भनेर पनि प्रष्ट पारेकी छन्।
उनको पोस्ट जस्ताको तस्तै
कृपया मिथ्या आरोपहरू लगाएर निरन्तर ममाथि प्रहार नगरिदिनुहोला। यो पार्टीलाई हुर्काउन, बढाउन र सबल बनाउन दुःख गरेको छु। गर्नेछु। तर पार्टीलाई थप लोकतान्त्रिक र समय सापेक्षिक रूपान्तरित बनाउने मेरो प्रयास तपाईंहरूको विचार भन्दा फरक भयो भन्दैमा सामाजिक सञ्जाल र विभिन्न माध्यमबाट निरन्तर प्रहार गरेर यो मेरो धैर्यलाई च्यालेन्ज नगरिदिनुहोला।
राष्ट्रिय स्वतन्त्र पार्टीलाई समय सापेक्षिक रूपमा मध्यममार्गी मुलधारको मुख्य राजनैतिक शक्तिको रूपमा विकास गर्दै रास्वपाले वैकल्पिक शक्ति, नागरीक समाज र जेनजी सबैलाई समेट्नका लागी पार्टीमा सांगठनिक र वैचारिक पुनःगठन पुनरवलोकन आवश्यक छ भन्ने मेरो मान्यता हो।
पार्टीलाई थप सबल सुदृढ बनाउन खोजिएको प्रयासलाई सभापति रवि लामिछाने विरुद्धको षड्यन्त्र जस्तो बनाएर भाष्य बनाउनुहुने तपाईंहरूको निरन्तर प्रहारले पूरा पार्टीलाई नै कमजोर बनाउने काम नगर्नुहोला।
मेरा अनुरोध स्पष्ट छन्।
१) विस्तारीत बैठकमा सङ्गठनका साथीहरुको महत्वपूर्ण र सक्रिय सहभागताको लागि अनुरोध गर्दछु।
२) बैठकमा प्रस्तुत हुने राजनैतिक र साङ्गठनिक प्रतिवेदनमाथि सहभागिहरुले राय राख्ने मात्र होईन प्रतिवेदनहरुलाई स्विकार्ने/अस्विकार गर्ने/तोकिएका संसोधन सहित स्विकार्न पाउने गरी भोटिङ राईट दिईनुपर्छ।
३) Gen-z आन्दोलन पछिको रास्वपालाई यथास्थितिमा रहेर वैकल्पिक शक्तिहरुलाई नसमेटि आसन्न चुनावमा एक्लै जाने छुट छैन। हामी उदार हुनुपर्छ। केन्द्री सचिवालय, पदाधिकारी, समितीको संरचना र नेतृत्वमा पुनरावलोकन पुनर्गठन गरेर वैकल्पिक शक्ति सबैको साझा प्लेटफर्म बन्नुपर्छ। अब यहि कुरामा पटक पटक स्पष्टिकरण दिन वाध्य नपार्नुहोला बरु आउनुस् एक कदम अघि बढेर रिफर्मेसनका मोडालिटीमा बसह गरौँ।
