अपराध र पाप पनि धुरीबाट कराउँछ, खोलो बाह्रबर्षमा फर्कन्छ भन्छन कुरा त्यसै भएको छ। घमण्ड, भ्रष्टाचार, प्रतिसोधको राजनीति र नागरिकलाइ गोली हानेर मार्न निर्देशन दिने निवर्तमान प्रधानमन्त्री केपी शर्मा ओली, उनको सरकारका गृहमन्त्री रमेश लेखक अन्य ३ जनालाई देश मात्र होइन उपत्यका छोड्न पनि अनुमति चाहिने भएको छ।
एमाले अध्यक्ष एवं निवर्तमान प्रधानमन्त्री केपी शर्मा ओली र उनको मन्त्रिमण्डका गृहमन्त्री रमेश लेखक, पूर्वगृहसचिव गोकर्णमणि दुवाडी, राष्ट्रिय अनुसन्धान विभागका पूर्वप्रमुख हुतराज थापा र काठमाण्डौका पूर्व प्रमुख जिल्ला अधिकारी छविलाल रिजाललाई विदेश जान रोक लगाइएको छ।
सेप्टेम्बर ८, २०२५ बाट (भदौ २३ र २४, २०८२) को आन्दोलनको छानविन गर्न गठित जाँचबुझ आयोगले उनीहरूको विदेश यात्रामा रोक लगाएको आयोगका सदस्य विज्ञानराज शर्माले सार्वजनिक गरेको पत्रमा उल्लेख छ। शर्माका अनुसार उनीहरूले उपत्यकाबाहिर जान पनि आयोगको अनिवार्य अनुमति लिनुपर्नेछ।
