News

एनआरएनहरुको व्यक्तिगत विवरण एमआईएस प्रणालीमा राख्नु गैर कानुनी:लम्साल एनआरएनए अमेरिका

hollywood Khabar4 months ago4 months ago631 mins

Spread the love

जुलाई १९, २०२५

आदरणिय अमेरिकाबासी गैर आवासीय नेपाली दाजुभाई दिदीबहिनीहरु,

गैरआवासीय नेपाली संघ भित्र देखिएको पदिय प्रतिस्पर्धा, बिचारसुन्य होडबाजी र उदेश्यरहित राजनैतिक बांडफाडले बिश्वभरि “नेपाली” बनेर रहन पांऊ भन्ने हामी सबैलाई स्तब्ध बनाएको छ। हालसालै अमेरिका भित्रको टेनेसी राज्यमा दर्ता रही काम गर्दै आएको “एनआरएनए एनसिसी अमेरिका” नामक सामाजिक सॅस्था भित्र चलिरहेको गुटबन्दी र फुटले यंहाका एनआरएनहरुमा अझ बितृष्णा नै पैदा गराएको अनुभव भएको छ।

गत जुन २० का दिन एनआरएनए आईसिसी अध्यक्ष महेश श्रेष्ठ ज्युको अनुरोध र आईसिसी अध्यक्ष, महासचिव, सहकोषाध्यक्ष र क्षेत्रिय संयोजकको रोहबरमा “एनआरएनए एनसिसी अमेरिका” र “एनआरएनए अमेरिका” बीच एकता गर्नका लागि दुबै सॅस्थाका अध्यक्ष बीच बाल्टीमोरमा सहकार्य गर्ने सम्झौता भएको थियो। उक्त सम्झौतामा एक हप्ता भित्र दुबै संस्थाबाट २/२ जनाको कमिटी बनाई दुबै सॅस्थालाई एक बनाऊने प्रकृया अगाडी बढाऊने भनिएको भएतापनि आजसम्म अर्को पक्षबाट सम्झौताको यो बुंदा पालना नगरिएकोले उक्त सम्झौता स्वत निष्कृय भएको हामीले ठानेका छौं।

अतः अहिले सामाजिक संजाल र बजारमा आएका दुई छुट्टाछुट्टै समुहको भनिएका दुबै प्रस्ताबित निर्वाचनमा एनआरएनए अमेरिकाको संलग्नता नरहेको स्पष्ट गराऊन चाहन्छौं। हामी हाम्रा अमेरिकन सदस्यको परिचयपत्र र ब्यक्तिगत बिबरण बिदेशीलाई बुझाउने “एमआईएस” प्रणालीलाई गैर कानुनी ठान्छौं।

हामी एनआरएनए जस्तो सामाजिक संस्थामा निशुल्क सदस्य बनाई बिस्तारै सबैलाई समेटनुपर्छ भन्नेमा बिश्वस्त छौं। एनआरएनएले नेपाली-नेपाली बीच सहकार्य गराऊने हो, बैरभाव बढाऊने होईन भन्दै हाम्रो सदस्यता कहिल्यै बन्द नभई संधै उपलब्ध रहिरहने, साथै आधिकारिक एनआरएनए आईसिसी संगको सहकार्य र अमेरिकाको कानुन बमोजिम हाम्रा संस्थागत कार्यक्रमहरु अगाडी आईरहने पनि बिनम्रताका साथ निबेदन गर्दछौं।

भवदीय,
सुर्य (साल) लम्साल
अध्यक्ष, एनआरएनए अमेरिका