भाद्र शुक्ल तृतीयामा नेपाली महिलाहरूले हरितालिका तीज पर्व मनाउँछन्। यस बर्ष हरितालिका तीज अगष्ट २६ मंगलबार परेको छ। बिशेष गरेर तीजका दिन महादेवको ब्रत बसेर पूजा आराधना गरिन्छ।
नेपालीहरुको सबैभन्दा ठुलो र आराध्य देव रहेका पशुपतिनाथ लगायत देशभरका शिवालयहरूमा भक्तजनको दर्शन गर्न जान्दछन। तीजको व्रत सुख, शान्ति र कल्याण प्राप्तिका लागि लिइन्छ भन्ने गरिन्छ। ब्रत बसेर विवाहित महिलाले पतिको दीर्घायु र अविवाहितले सुयोग्य वरको कामना गर्छन्। सत्ययुगमा हिमालय पुत्री पार्वतीले गौरीघाटमा तपस्या गरेर महादेवलाई पति पाएकी थिइन् भन्ने धार्मिक लेखन छ। यो व्रत निराहार तर जलाहार र फलाहार खाएर ब्रत बस्ने चलन छ। कतिपयले केहि पनि नखाएर ब्रत बस्ने गर्छन। प्राय खान मिल्ने खानेकुराहरुमा पानी, पिढालु, तरुल, सखरखण्डा, पिठो नमिसाएको मिठाइ, केरा, आँप, अम्बा, दुध, दहि इत्यादी मानिन्छन्।
