संघीय संसदकी उपसभामुख इन्दिरा राना मगरलाई नियतवस पदबाट हटाउ गृहमन्त्री रमेश लेखकको प्रयक्ष संलग्नतामा सांसदहरूको हस्ताक्षर संकलन अब तुहिने भएको छ। सो अभियानलाइ कांग्रेस नेता डा. शेखर कोइरालाले बिरोध गरे।
कांग्रेस सभापति देउवा निवास बूढानीलकण्ठमा मंगलबार बिहान बसेको पदाधिकारी बैठकमा देउवाले उपसभामुख रानालाई हटाउनका लागि हस्ताक्षर संकलन गर्न निर्देशन दिएका थिए। तर कांग्रेस नेता डा. शेखर कोइरालाले आफ्नो समूहका आफूलाई सोध्ने सांसदलाई खाली कागजमा हस्ताक्षर नगर्न निर्देशन दिएका थिए। उनले उपसभामुख राना मगरलाई हटाउने प्रस्तावलाई बेमौसमी बाजा भएको प्रतिक्रिया दिए।
त्यसैगरी कांग्रेस महामन्त्री विश्वप्रकाश शर्माले उपसभामुख राना मगरलाई पदमुक्त गर्ने तयारीप्रति आफ्नो विमति भएको जनाएका छन्। महामन्त्री शर्माले उपसभामुखको प्रकरणमा आफ्नो असहमति रहेको जानकारी सम्बन्धित स्थानमा गराइसकेको बताएका छन्। उपसभामुख रानाले नेपालस्थित अमेरिकी दूतावासलाई पत्र लेख्नु गम्भीर गल्ती भए पनि उनलाई पदमुक्त गर्न अनुपयुक्त भएको प्रतिक्रिया महामन्त्री शर्माको छ।
