अमेरिका- क्यालिफोर्निया सेरोफेरोमा बसोबास गर्ने नेपालका रैथाने भूमिपुत्र याक्थुम्ङ् लिम्बूहरुले उनीहरुकै सामाजिक संस्था किराँत याक्थुङ् चुम्लुङ्को अग्रसरतामा आफ्नो समुदायको मौलिक चाँड सिसेक्पा तङ्नाम् यहि जुलाई २७, २०२५ मा मनाएको जानकारी प्राप्त भएको छ l
उक्त प्राचिन समुदायको धर्म ग्रन्थ मुन्धुममा उल्लेखित चार पर्वहरू मध्ये सिसेक्पा तङ्नामले उनीहरुको जिबनको रहनसहनमा विशेष महत्व राख्दछ I यस पर्व मनाउदा बिहान सबेरै उठेर बनपाखा गइ अररेको काँडा, हरकटो, सिस्नु र काउलोको पात खोजि घरमा ल्याएर बाबियोको डोरीमा बाँधेर लामो माला जस्तो बनाई घरको मूल ढोका बाट सुरु गरि पुरै घर बेरी फन्कोमारी बाँधीदिने गरिन्छ I यसो गर्दा जिबन जिउने क्रममा आइ पर्ने दु:ख, कष्ट, रोग, अनिकाल सजिलै टरेर जाने र तत्कालै राम्रो समय अर्थात् सहकालको सुरुवात हुने जनबिश्वास यो समुदायमा रहेको पाइन्छ l
विश्वमै नाम चलेको सुन्दर शहर सन फ्रान्सिस्को आडैमा रहेको ब्रक्ली मारिनामा लिम्बू याक्थुङ्बाहरु भेला भै बिभिन्न खेल खेल्नुको साथ् साथै परम्परागत केलाङ् नाँच, हाक्पारे साम्लो गाउदै हात समाउदै ठुलो घेरा बनाई धान नाँच समेत नाँचिएको थियो I
उक्त सामाजिक कार्यक्रमको उद्घाटन बयो बृद्ध तुम्याहाङ सन्तोष कुरुंङ्बाङ, संस्थापक अध्यक्ष रोशन लिबांङ् र समाजसेबी सरु साँवाले संयुक्त रुपममा थानमा दियो बालेर गरे। स्वागत मन्तब्य बमु सुहांङ्, कार्यक्रमको औचित्य शुरेन्द्र फोम्बो, खेलकुद संचालन (प्रतिभा सुब्बा, सोमी लिम्बु, भिम लिम्बु, सुमेर सुब्बा, कमान बनेम), स्वागत नृत्य उन्नती र अन्वेशा, रजिस्ट्रेसन बुथ (क्रिस्टी, रोशनी, तेज, सिर्जना), कार्यक्रमको संचालन टंक फोम्बो र नबिन सुब्बाले गरेका थिए।
कार्यक्रममा युनाइटेड किराँत राई अर्गनाइजेसन क्यालिफोर्नियाका अध्यक्ष टिकाराम राई, पहिचानबादी मोर्चाका क्यालिफोर्निया संयोजक डेकेन्द्र मास्के, मगर समाजका बिनोद मगर, क्यालिफोर्निया शेर्पा असोसिएसनका आङ छिरिङ्ग शेर्पा तथा समाजका अगुवाहरु देब किराँत, सुर्य कार्की, राम राइ, जोर राइ, नुरेन बराल, कविन्द्र सुनुवार लगायतको उपस्थित रहेको थियो।
कार्यक्रममा संस्थाका अध्यक्ष अतित सुब्बाले उपस्थित कुल कुटुम्ब, पर पाहुना तथा इस्टमित्रहरुलाई हार्दिक धन्यबाद दिदै, कार्यक्रम सफल बनाउन अहोरात्र खटिने सहयोगी हातहरुलाइ बिशेष धन्यबाद भन्दै अर्को बर्ष पुन भेट्ने बाँचा गर्दै यस बर्षको कार्यक्रमको विधिवत समापन गरेका थिए।
