News

भैसेपाटी मन्त्री क्वार्टरले बाटो पेलेको भन्दै संसदमा डा. कार्कीको आक्रोस

hollywood Khabar4 months ago4 months ago111 mins

Spread the love

उनको भनाइको सार: यो सरकार दमनकारी शैलीमा राज्य चलाउन खोज्दैछ

१) जनताकै घर जग्गा अधिग्रहण गरेर बनाएको मन्त्री क्वार्टरको पश्चिमतर्फका जनतालाई पनि अरु तीनतिर जस्तै ११ मिटर चौडा बाटो सुनिश्चित हुनुपर्छ।‌ राष्ट्रिय सभाको दिगो विकास तथा सुशासन समितिले समेत निर्देशन दिएको छ तर अकस्मात हिजो २०० जना जति सशस्त्र प्रहरी उभ्याएर ६ मिटरको साँघुरो सडकमै बाउन्ड्री वाल निर्माण गर्न खोजिएकोमा दमनबाट होइन सहकार्य र समन्वयबाट समाधान गरियोस्।

२) एक वर्ष पूरा भयो यो सरकारको तर यिनले गरेका वाचा केही पूरा भएको छैन।‌ त्यसैले, यो सरकारको औचित्य समाप्त भइसकेको छ। वाचा संबिधान संसोधनको अनि उपलब्धी मान्छे र सरकारी जग्गा बेचबिखन । वाचा सुशानको अनि परिणाम जनताको लागि लड्नेहरूलाई judicial overreach र कारागार अनि भ्रष्टाचारमा मुछिएकाहरूलाई स्याबासीको धाप ! यिनै ठूला दलका यस्तै गतिविधिका कारणले यो व्यवस्थामाथि नै प्रश्न उठिरहेको छ।

३) दुई महिना देखि भिजिट भिसा प्रकरणको विषयलाई लिएर हामी आन्दोलनमा छौँ। जसमाथी छानबिन हुनुपर्नेमा उनीहरूकै मातहतमा बनेको समिती बाँदरको पुच्छर लौरो न हतियार भएकोले हामीले पहिलो दिनबाटै बहिष्कार गरेका हौँ। सरकारलाई भने आजसम्मकै हाइसञ्चो भएसरी संसदमा प्रस्तावहरू टेबल ठोक्दै सर्वसम्मतले पास गरिरहेको छ। तर खबरदार,‌ नेपाली जनता मूर्ख छैनन्, एकएक हिसाबकिताब राखिरहेका छन्। हाम्रो आन्दोलन जारी छ।