News

अमेरिकामा नवौं पटक सामुहिक ईही सम्पन्न, संस्कृति जोगाउदै नेवा:नख:

hollywood Khabar5 months ago5 months ago781 mins

Spread the love

न्युयोर्क, अमेरिका।नेवाः नखः न्यूयोर्कको आयोजनामा नवौं पटक सामुहिक ईही कार्यक्रम सम्पन्न भएको छ। नेपाल सम्वत् ११४५ दिल्लागा एकादशी (जुलाई ६ तारिख २०२५) मा ज्याक्सन हाईटको शेर्पा किदुगंको हलमा भएको ईहीमा अमेरिकाका चार राज्यका ६ जना बालिकाको सहभागिता थियो।

ईहीका सहभागीहरू न्युजर्सी, म्यासाच्युसेट, ओहायो र न्युयोर्क स्टेटहरूबाट ईही कार्यक्रमस्थल पुगेका थिए।लुनिभा श्रेष्ठ, ग्रेश प्रधान, जियाना तुलाधर, मेलानी तुलाधर, लीला श्रेष्ठ र अनन्या प्रधानको ईही गरिएको थियो। नेवाः गुभाजु (पुरोहित) समन्त बज्राचार्यजुले नेवाः विधिपूर्वक ईही सम्पन्न गराएका थिए। ईहीमा गुरूमा पुष्पा बज्राचार्यज्यू र संस्थाका निवर्तमान अध्यक्ष महेन्द्र बीर बज्राचार्य जजमान (मुख्य कर्ता) का रुपमा पुजा सम्पन्न गरेका थिए।

संस्थाका निवर्तमान अध्यक्ष महेन्द्र बीर बज्राचार्यले संस्थाको स्थापना र उद्देश्यको बारेमा प्रकास पार्दै नेवाः चाडपर्व, परम्परा, रितिरिवाज तथा कला–संस्कृतिको संरक्षण र प्रवर्धन गर्नका लागि सन् २०११ मा न्युयोर्कमा यस संस्थाको स्थापना गरिएको बताए। अमेरिकामा जन्मेका हाम्रा नानीबाबुहरूलाई नेवाः संस्कृति, परम्परा, कला, भाषा सिकाउँदै आफ्नो संस्कृतिको निरन्तरता कायम गर्नु पर्नेमा सल्लाहकार बज्राचार्यले जोड दिए।