News

कोषाध्यक्ष श्रेष्ठको पहलमा कांग्रेसको मुख्यालयसँग जोडिएको अर्को भवन खरिद

hollywood Khabar5 months ago5 months ago361 mins

Spread the love

नेपाली कांग्रेसको कोषाध्यक्षमा मनोनित् भएपछि पाटीको सम्पत्ति बढाउन लागि परेका छन्। त्यसैको नतिजाहो आफ्नो केन्द्रीय कार्यालय रहेको ललितपुरको सानेपास्थित परिसरलाई थप व्यवस्थित र फराकिलो बनाउने उद्देश्यले १९ आना जग्गा खरिदको लागि बैना समेत गरेको छ।

तर तिनै कांग्रेसका नेता रमेश लेखक गृहमन्त्री भएपछि मानव तस्करी गरेर ४ सय करोडको तस्करी गरेको कुरा ब्यापक छ। अहिलेको भवन पनि मैया श्रेष्ठ हुँदा जोडिदिएको हो। बनाउने र लुट्नेको फरक यहि हो।

काँग्रेसका मुख्य सचिव कृष्णप्रसाद पौडेलका अनुसार सानेपास्थित केन्द्रीय कार्यालय अगाडिको १९ आना (एक रोपनी तीन आना तीन पैसा) जग्गा र त्यसमा निर्मित तीन तले घर खरिद गर्ने निर्णय भएको हो। उक्त जग्गा र घर ललितपुर निवासी अमिर मान अमात्यको स्वामित्वमा रहेको थियो।

जग्गा खरिदका लागि असार ११ गते नेपाली काँग्रेसका कोषाध्यक्ष उमेश श्रेष्ठको उपस्थितिमा जग्गा धनीसँग सम्झौता सम्पन्न भएको छ। सम्झौता अनुसार एक वर्षभित्र जग्गा पास गर्ने गरी ५० लाख रुपैयाँ बैना प्रदान गरिएको छ। सो सफलताको जस खान महामन्त्री द्वोय बिश्वप्रकाश शर्मा र गगनकुमार थापा पनि पुगेका थिए। जग्गा र घर १३ करोड रुपैयाँमा खरिद गरिएको जनाइएको छ।

नेपाली काँग्रेसले यो रकम पार्टीको विभिन्न तहको लेवी र शुभेच्छुकहरूको सहयोगमार्फत जुटाउने योजना बनाएको छ। विज्ञप्तिमार्फत यो खरिद प्रक्रियामा सबैको अपनत्व हुने गरी रकम चुक्ता गरिने उल्लेख गरिएको छ।

नेपाली काँग्रेसले सानेपास्थित केन्द्रीय कार्यालय परिसरलाई थप व्यवस्थित, सुविधा सम्पन्न र कार्यकर्तामैत्री बनाउन यो कदम चालेको बताएको छ। कार्यालय परिसरको विस्तारले पार्टीका गतिविधिहरूलाई थप प्रभावकारी बनाउन सहयोग पुग्ने अपेक्षा गरिएको छ।