राष्ट्रिय स्वतन्त्र पार्टी (रास्वपा) का उपसभापति डा. स्वर्णिम आफ्नो पार्टी सभापति रवि लामिछानेलाई चिवतनमा हुने जनयात्रा कार्यक्रममा बोल्न नदिनकै लागि रातारात सम्पूर्ण राज्य शक्ति लागेर पक्रावाग्लेलेउ गरेको बताए।
उनले शनिबार चितवनबाट सुरु भएको जनयात्रा शुभारम्भ कार्यक्रमलाई सम्बोधन गर्ने क्रममा आफूसँग कुरा गर्दै पार्टी सभापति लामिछानेले आफैले गिरफ्तारी दिने जानकारी गराउँदा गराउँदै के के नै बितेको झै गरेर प्रहरीले बिना पत्र, अदालतको फैसलाको कुनै आधार नै नलिएर गिरफ्तार गरेको हो। यसले राज्य शक्तिको धज्जी उडाएको छ, डा. वाग्लेले भने।
उनले सभापति लामिछानेले चितवनमा महत्वपूर्ण कुरा गर्ने घोषणा गरेसँगै डराएको सरकारले उनलाई चितवनसम्म पुग्नै नदिने प्रपञ्च रचेको हो। यसअघि नै सभापतिज्यूले चितवनमा केही विशेष कुरा राख्ने घोषणा गर्नुभएको थियो। सरकारमा बसेकाहरूलाई उहाँको कुराले डर भएको हुनुपर्छ। त्यहि कारण सभापतिलाई चितवनको कार्यक्रममा सहभागी हुन नदिन सरकारले यतिसम्मको प्रपञ्च गरेको हो।
शुक्रबारमात्रै सभापतिसँग कुरा हुँदा उनले सभापतिले आफू सर्वोच्च अदालत जाने बताएको जानकारी दिए। उनले चितवनको कार्यक्रममा साहभागी भएपछि आफू जहाँ लगे पनि जान तयार रहेको बताइरहदा बदनियत राखेर सरकारले सभापति लामिछानेलाई चितवनको कार्यक्रम अघि पक्राउ गरेको कुरा डा. वाग्लेले दावी गरे।
राष्ट्रिय स्वतन्त्र पार्टीको धन्यवाद ज्ञापन
कठिन घडीहरूमा हामीले विवेक गुमाउँछौं कि गुमाउँदैनौं, विधि मिच्छौं कि मिच्दैनौं, आक्रोशलाई जलाउने आगो बनाउँछौं वा जगाउने ज्योति भन्ने कुराले नै यो देश र नयाँ पुस्ताको भविष्य निर्धारण गर्नेछ। राज्यले विवेक गुमाउँदा नै हो हामीले विवेक देखाउने। विषम परिस्थितिमा पनि अटल, अडिग र अविचलित रही जनयात्रा शुभारम्भ सभालाई शान्तिपूर्ण, सौम्य, सभ्य र भव्य बनाउन अतुलनीय योगदान पुर्याउने जनयात्रा समिति, केन्द्रीय समिति, विभाग, प्रदेश, जिल्ला, पालिका, वडा तहका सबै सदस्य साथीहरू, स्वयंसेवक, सुरक्षाकर्मी , मिडिया र सम्बन्धित सबैमा हार्दिक आभार व्यक्त गर्न चाहन्छौं।
केन्द्रीय सचिवालय
राष्ट्रिय स्वतन्त्र पार्टी
