News

अमेरिकामा टिकटक प्रतिबन्धको समय अर्को ७५ दिन बिस्तार तर खरिदकर्ता अनिश्चित

hollywood Khabar8 months ago8 months ago321 mins

Spread the love

अमेरिकी कंग्रेसले पारित गरेर अदालतद्वारा गरिएको फैसला अनुसार जनवरी १९, २०२५ लाई बिक्री या टिकटक प्रतिबन्धको लागि अन्तिम समयसीमा तोकेको थियो। फैसला अनुसार राष्ट्रपतिले एक पटक विचार गर्न सकिने उल्लेख थियो। त्यसै अनुसार राष्ट्रपति डनल्ड जे ट्रम्पले बाइटडान्सलाई ७५ दिनको समय विस्तार दिने कार्यकारी आदेशमा हस्ताक्षर गरे। त्यो विस्तार यहि शनिबार अप्रिल ५ मा समाप्त हुने तय भएको थियो। तर राष्ट्रपति ट्रंपले अर्को ७५ दिनको लागि समय सिमा बिस्तार गएका छन्।

टिकटकको लागि ट्रम्पको समयसीमा विस्तारको अर्थ के हो? बिजनेस इनसाइडरका प्रमुख संवाददाता पिटर काफ्काले राष्ट्रपति डोनाल्ड ट्रम्पले चिनियाँ स्वामित्वमा रहेको मूल कम्पनी बाइटडान्सद्वारा टिकटकलाई प्रतिबन्ध लगाउन वा बेच्नको लागि समयसीमा किन बढाए भन्ने बारेमा छलफल गर्छन्।

एबिसी न्यूजका अनुसार महिनौंको बैठक र संवाद पछि टिकटकको संयुक्त राज्य अमेरिका सञ्चालनलाई बहुमत अमेरिकी स्वामित्व भएको नयाँ कम्पनीलाई हस्तान्तरण गर्ने सम्झौता बुधबार अन्तिम रूप दिइएको कुरा व्हाइटहाउसले जनाएको छ। खरिदकर्ताहरुमा ओराकल, ब्ल्याकस्टोन, एन्ड्रीसन होरोविट्ज, एमाजन र अन्य धेरै समावेश थिए।।

तर बिहीबार बिहान, बाइटडान्सका प्रतिनिधिहरूले ह्वाइट हाउसलाई फोन गरेर भने, राष्ट्रपति ट्रम्पको ट्रेड वारको वार्ता नभएसम्म चिनियाँ सरकारले सम्झौतालाई अनुमोदन गर्ने छैन।सबैलाई थाहा छ टिकटक चिनियाँ कम्युनिष्ट पार्टीको नियन्त्रण र एक्सेसमा छ। त्यसपछि अप्रिल ४ शुक्रबारका दिन राष्ट्रपति ट्रम्पले टिकटकलाई यसको चिनियाँ स्वामित्वमा रहेको मूल कम्पनी बाइटडान्सद्वारा प्रतिबन्धित वा बेच्नको लागि समयसीमा ७५ दिन थपिने आफ्नो सामाजिक सञ्जाल प्लेटफर्ममा पोस्ट गर्दै भने।

यो पटक टिकटक प्रतिबन्ध या बिक्रीको बैठकको नेतृत्व अमेरिकी उपराष्ट्रपति जेडी भान्सले गरेका थिए भनेर एबीसी न्यूजले आफ्नो श्रोतबाट भन्दै उल्लेख गरेको छ।