राष्ट्रिय स्वतन्त्र पार्टी (रास्वपा) नेपालले नागरिक र देशलाई सर्वोपरि मान्ने पार्टीको क्रान्ति सधैं शान्त र सौम्य हुन्छ त्यसैले सत्तामा बस्नेहरूले प्रतिशोधको ज्वाला दन्काउँदा पनि निर्भिक र निडर भई आफूहरु अटल, अडिग र अविचलित रूपमा अगाडि बढिरहेको दावी गरेको छ।
पार्टीले यही यात्राको सुरुवात जन यात्रा देवभूमि चितवनबाट यहि शनिबार सुरु गर्ने भएको छ। रास्वपाले सबैलाई जन यात्रामा सहभागी हुनको लागि आब्हान समेत गरेको छ।
पार्टीले दावी गरेको छ, देशमा व्याप्त भ्रष्टाचार, कुशासन र गलत नीति तथा गतिविधिहरू विरुद्धको लडाईँमा आवाज अझ बढी बुलन्द गर्ने बेला आएको छ। सत्तामा बसेकाहरूलाई तिमीहरूको अत्याचार अति भयो नसच्चिने भए सक्किन तयार बस भनेर शंखनाद गर्ने बेला आएको छ। गाउँ गाउँमा जाने बेला आएको छ। बस्ती बस्तीमा पुग्ने बेला आएको छ।
यही सन्दर्भमा राष्ट्रिय स्वतन्त्र पार्टीका सभापति रवि लामिछाने सहितका नेताहरूको उपस्थितिमा हुने जनयात्रा शुभारम्भ सभामा सधैँ झैँ सबैको अमूल्य सहभागिता, माया र आशीर्वादको हार्दिक अपेक्षा गर्दछौं, रास्वपाले भनेको छ।
जनयात्रा:
मिति: यही चैत्र २३ गते, शनिवार
समय: दिउँसो २:०० बजे
स्थान: गेष्ट हाउस चौर, भरतपुर (जिल्ला प्रहरी कार्यालय अगाडि)
