नेकपा एमालेका पूर्व नेता डा. भीम रावललाइ नेतृत्वमा पुग्न पार्टीमा उम्मेद्वार भएकै कारण एमाले अध्यक्षले किनारा लगाए। त्यसपछि नयाँ पार्टी खोल्ने या अन्यत्र जाने भन्ने विचाराधीन रहेका रावलले पछिल्लो समय नेपाली कम्युनिस्ट पार्टीमा प्रवेस गरेका छन्।
नेकपा नेता डा. रावलले जेनजी आन्दोलनको क्रममा भएको दमन र क्षतीको जिम्मा तत्कालीन प्रधानमन्त्री केपी शर्मा ओली र तत्कालीन गृहमन्त्री रमेश लेखकले लिनुपर्ने बताएका छन्। रातोपाटीका अनुसार रिपोर्टर्स क्लब नेपालले काठमाडौँमा आयोजना गरेको साक्षात्कारमा उनले सरकारको जिम्मेवार पदमा बसेको व्यक्ति घटनाबारे जिम्मेवार हुनुपर्ने बताएका हुन्। संसदीय प्रणालीमा कुनै घटना घटेको खण्डमा प्रधानमन्त्री र सम्बन्धित मन्त्रालयको मन्त्रीले जिम्मेवारी लिनुपर्ने उनको भनाइ छ। उनले बाह्य शक्तिको समेत घुसपैठका कारण जेनजी आन्दोलनका क्रममा ठुलो क्षति भएको आशङ्का गरे।
