राष्ट्रिय स्वतन्त्र पार्टीले चाडवाडमा शुभकामना पत्र बाहेक कुनै उपहार स्वीकार नगर्न अनुरोध गरेको छ। त्यसैगरी पूर्व सांसदहरूले यथाशीघ्र रातो पासपोर्ट र सांसदको परिचयपत्र संघीय संसद् सचिवालयमा बुझाउन अनुरोध गरेको छ।
विज्ञप्तिको प्रति
वि.सं. २०८२ असोज १३
ने.सं. ११४५ कौलाथ्व सप्तमी
विज्ञप्ति
राष्ट्रिय स्वतन्त्र पार्टीको सबै तहका नेताहरूले चाडपर्वका दौरान शुभकामना पत्रहरू बाहेक कुनै किसिमको उपहार स्वीकार नगर्न निर्देशन जारी गरिएको छ ।
राष्ट्रिय स्वतन्त्र पार्टीका पूर्व सांसदहरूले यथाशीघ्र रातो पासपोर्ट र सांसदको परिचयपत्र संघीय संसद् सचिवालयमा बुझाउन अनुरोध गरिन्छ ।
जेनजीको अगुवाइमा भएको सुशासनको लागि परिवर्तनको महत्त्वपूर्ण आन्दोलनका क्रममा ७५ जनाको ज्यान गएको अवस्थामा हामी राष्ट्रिय शोकको घडीमा छौँ । तसर्थ यसपटक पार्टीको ब्यानर र झण्डा प्रयोग गरेर कुनै किसिमको चाडपर्व सम्बन्धित कार्यक्रम आयोजना नगर्न नगराउन सबै तहका पार्टीपंक्तिमा अनुरोध गरिन्छ ।
मनिष झा
प्रवक्ता
