केप कड नेपाली समाजले विगतका वर्षहरूमा जस्तै यसवर्ष पनि समर बारबाक्यू वनभोज कार्यक्रमलाई निरन्तरता दिएको छ। यहि जुलाई महिनाको २६ शनिवारका दिन समाजका कार्यकारी समितिका सदस्य ज्योति के सी को संयोजकत्वमा केप कडको सेन्टरभिल स्थित Fraternal Lodge ko प्रांगणमा विहानैदेखि समाजका पदाधिकारी, सदस्यहरू तथा स्यंमसेवकहरू भेला भई विभिन्न परिकारहरू पकाउने बनाउने लगायत विविध कार्यक्रमहरू संचालन गरि हर्षोल्लासका साथ सम्पन्न भएको छ।
वनभोज कार्यक्रममा विभिन्न खेलकुदका गतिविधिहरू गराएर विजेताहरूलाई पुरस्कार वितरणका गरिएका थिए। साथै यसैवर्ष विभिन्न कलेज तथा विश्वविद्यालयहरूबाट विभिन्न विषयहरूमा दीक्षित भएका विध्यार्थीहरू श्रुति अमात्य, कृषा अधिकारी, आदर्श राई, सञ्जीव केसी र आकृति विन्दुकार लाई प्रमाण पत्र वितरण गरी सम्मान गरिएको थियो। लोकदोहोरी गायन र बिभिन्न रोचक खेलहरू यसवर्षको वनभोज कार्यक्रमका मुख्य आकर्षण थिए।
