प्रत्येक वर्ष श्रावण शुक्ल पञ्चमीका दिन मनाइने नागपञ्चमी पर्व यो बर्ष जुलाई २९ मंगलबार परेको छ। नेपाली परम्परा अनुसार नागको पूजा गरी घरका मूलढोकामा नागको मन्त्र सहितको फोटो टाँसेर यो पर्व मनाइन्छ।
यसरी नागको तस्बिर टाँस्दा वर्षभर घरमा नाग, सर्प र बिच्छी, गंगटा लगायतका जलचर-थलचर जीवले दुःख नदिउन भन्नका लागि यो पर्व मनाइने गरिएको विश्वास छ। सर्प र नागमा फरक मानिन्छ। नागलाई सर्पको राजा मानिन्छ। नाग रिसाए भने पानीको अभाव हुने भएकाले पनि नागलाई खुसी पार्न यो पर्व मनाइने विश्वास छ। यसदिन काठमाडौको टौदह, भक्तपुरको सिद्ध पोखरी ललितपुराको नागदह लगायत देशभरका नागदह, कुण्ड र नाग स्थानमा विशेष रूपमा पूजाआजा गरी नागको पुजा गरिन्छ।
