News

अनेसास उत्तरी क्यालिफोर्नियाको आयोजनामा २१२ औँ भानु जयन्ती मनाइयो

hollywood Khabar4 months ago4 months ago501 mins

Spread the love

अमेरिकाको क्यालिफोर्निया राज्यको बे एरियामा अवस्थित मुक्तिनाथ धाममा २१२ औँ भानु जयन्ती मनाइएको छ। अन्तर्राष्ट्रिय नेपाली साहित्य समाज उत्तरी क्यालिफोर्निया च्याप्टरको आयोजनामा भानु जयन्ती मनाइएको हो।

कार्यक्रमका प्रमुख अतिथि अनेसासका केन्द्रीय अध्यक्ष सर्वज्ञ वाग्ले अतिथिमा प्रा.धर्मराज कोइराला, सुरेशकुमार भट्ट आदी थिए। कार्यक्रम अनेसास उत्तरी क्यालिफोर्नियाका अध्यक्ष बाबु आचार्यको अध्यक्षकामा भएको थियो। कार्यक्रम सञ्चालन उपाध्यक्ष दीपक पाठक, सचिव भरत डाँगी र कोषाध्यक्ष कुमारी कट्टेलले पालैपालो गर्नु भरेका थिए।

कार्यक्रमको सुरुवात स्वस्ती वाचनबाट गरिएको थियो। त्यसपछि प्रतियोगी तथा अप्रतियोगी गरी दुई चरणमा कविहरूबाट कविता वाचन गरिएको थियो। लोककवि सुरेशकुमार भट्टले भानुभक्तको सम्झनामा बिर्के टोपी (एक दर्जन), रामायणको पुस्तक (एक प्रति), एक जोर दौरा सुरुवाल, पटुका, पट्टा (दोसल्ला), झण्डा तथा अनेसास अध्यक्षलाई प्रतिवर्ष भानु जयन्तीको अवसरमा प्रयोग गर्न मिल्ने सौगात स्वरूप हस्तान्तरण गरे।

यस कार्यक्रममा नौ जना प्रतियोगी कविहरू थिए भने अन्य २० जना अप्रतियोगी कविहरू थिए। धेरै स्रष्टाहरूले छन्दमा, गद्यमा साथै व्यङ्ग्य कविताहरू र गजल मुक्तकहरु सुनाउभएको थियो। प्रतियोगी कविहरूमध्ये बालकुमारी घिमिरे प्रथम इन्दु तामाङ दितीय र हिमेश भट्टराई तृतीय भएका थिए।

यसै अवसरमा रियल्टर अनिल अर्यालले आफ्ना पिताको नाममा ३०१ डलर प्रा.धर्मराज कोइरालाले आफ्ना दिवङ्गत बाआमाका नाममा २०१ अमेरिकी डलर र तथा रियल्टर दिनेश रावलले ५१ डलरको पुरस्कार कोश स्थापनाका लागि योगदान गरेका थिए। उक्त कोशबाट प्रत्येक वर्ष विजयी कविलाई पुरस्कार प्रदान गरिनेछ।

यसका साथै, छ जनालाई जनही २० डलरको सात्वना पुरस्कार प्रदान गरिएको थियो। कार्यक्रममा सहभागी सम्पूर्ण व्यक्तिहरूलाई आयोजकद्वारा हार्दिक धन्यवाद ज्ञापन सहित कार्यक्रम समापन गरिएको थियो।