News

प्रवक्ता डा. महतले कुलिङ पिरियडमा विश्वासघात भनेपछि सरकार धरापमा

hollywood Khabar5 months ago5 months ago731 mins

Spread the love

सत्ता साझेदार नेपाली कांग्रेस र नेकपा एमालेबीच अहिले दोहोरी सुरु भएको छ। एमालेले सुटुक्क सहमत भएको बिधेयरका फेरबदल गरेपछि नेपाली कांग्रेसले कुलिङ पिरियडमा विश्वासघात भएको भन्दै छानबिनको माग गरेको छ।

कांग्रेस प्रवक्ता डा. प्रकाशशरण महतले कुलिङ पिरियडमा विश्वासघात भएको, पदको दुरुपयोग भएकाले छानबिन हुनुपर्ने बताए। कांग्रेसले कुलिङ पिरियड हटाउने प्रस्तावको विरोध गर्दै सरकारलाई सच्याउन आग्रह गरेको छ। तर कांग्रेसकै नेता गृहमन्त्रीको मिलेमतोमा भएकाले कांग्रेसमा अर्को चर्का-चर्की गएको छ।

केन्द्रीय कार्य सम्पादन समितिको मंगलबारको बैठकका क्रममा पार्टी केन्द्रीय कार्यालय सानेपामा सञ्चारकर्मीहरूसँग कुरा गर्दै पार्टी का प्रवक्ता डा. प्रकाश शरण महतले कुलिङ पिरियडमा विश्वासघात भएको भन्दै छानबिन हुनुपर्ने बताएका हुन्।

‘कुलिङ पिरियड राख्नुपर्छ नै भन्ने हाम्रो धारणा हो। त्यही हुनाले सर्वसम्मतिबाट कुलिङ पिरियड राखियो भनेर निर्णय गरियो भनियो। त्यही विश्वासमा सायद फुल हाउसमा माननीय सदस्य साथीहरूले दफावार पढ्नुभएन। विश्वासघात भयो। जसले त्यहाँ पदको दुरुपयोग गरेको छ, अवश्य पनि उनीहरूलाई छानबिनको दायरामा ल्याउनुपर्छ। तत्काल कुलिङ पिरियड हटाएर प्रस्तावित भएको छ, सरकारले सच्याएर संशोधन गर्नुपर्छ। दोषीलाई छानबिन गरी कारबाही गर्नुपर्छ।’