News

ललितपुरको आदर्श शौल महाविद्यालय निर्माणमा सांसद कार्कीको प्रयास

hollywood Khabar6 months ago6 months ago341 mins

Spread the love

ललितपुरको वडा न: २५ मा रहेको आदर्श शौल महाविद्यालयको निर्माणमा देखिएको अनियमितताको समाधान तथा वैधानिक प्रक्रियाले निर्माण गराउन विगत दुई वर्षदेखि निरन्तर प्रयास गरिरहेका छौं।

प्रक्रिया नपुर्याइकन सामुदायिक वनको जग्गामा निर्माण सुरु गरिएकोले‌ निकै विवादास्पद भएर निर्माण प्रक्रिया रोकिएको अवस्था थियो। हामीले पटकपटक सर्वपक्ष संवाद गर्यौ, वन उपभोक्ता समितिसँग, वन डिभिजन कार्यालय, क्याम्पस व्यवस्थापन समिति, र स्थानीयहरूसँग छलफल गर्यौँ र अवैधानिक तरिकाले सुरु गरिएको निर्माण प्रक्रियालाई रोकेर वैधानिकता प्रदान गर्नका लागि प्रक्रिया अगाडि बढाउन पहल गर्यौँ। फलस्वरूप, वातावरणीय सर्वेक्षण र जग्गा प्राप्तिको प्रक्रिया विधिवत तरिकाले अघि बढेको छ।

विगतमा राष्ट्रिय स्तरमा उच्चस्तरीय नतिजा ल्याई सम्मान प्राप्त गरिसकेको यस महाविद्यालयमा ब्याचलर्स मास्टर्स पढिरहेका विश्वविद्यालय तहका विद्यार्थीहरूले समेत साना बालबालिका कक्षाकोठामा अध्ययन अध्यापन गर्नुपर्ने अवस्था थियो। यस महाविद्यालयको भवन निर्माणको लागि हामीले निरन्तर विभिन्न निकायहरूमा समन्वय गर्यौ, पत्राचार गर्यौँ, अर्थमन्त्रीज्यूसँग प्रत्यक्ष संवाद गरेर प्राथमिकतामा राख्न पहल गर्यौँ।

खुसीको कुरा हामीले प्रस्ताव गरेको हुबहु शिर्षकमा मन्त्रालयको तर्फबाट यस महाविद्यालय भवनको लागि भनि ३ करोड बजेट परेको छ। अब सम्बन्धित निकायहरूलाई विधिवत तरिकाले प्रक्रिया अगाडि बढाउन र यस बजेटको सही तरिकाले उपयोग गर्न गराउन अनुरोध गर्दछु। साथै संघीय सांसदको हैसियतले निरन्तर यस महाविद्यालयको निर्माण तथा सञ्चालनको निगरानी र फलोअप गरिरहने पनि जानकारी गराउँदछु।

थप जानकारीको लागि डा. कार्कीको यो फेसबुक पोस्ट हाइपरलिंकमा क्लिक गर्नुहोस