News

हारेका ओली र भ्रष्टाचारको झोली, उखानका खेलौना र रुन्चे बिलौना

hollywood Khabar6 months ago6 months ago121 mins

Spread the love

कहिले काहीं अध्ययन अनुसन्धान प्रतिवेदन र ठुला ठुला दिर्घकालिन अर्थतन्त्रको बिषय भन्दा पनि एमालेका उखाने कुरा एमालेवाला भोटरहरुलाइ घत लाग्थ्यो। तर हरेक कुराको समय हुन्छ अनि अति भएपछि खति हुन्छ। अब एमाले समुदायमा ओलीको पहिलाको जस्तो खोक्रा उखाने भाषणले काम गर्न छाडेको छ।

पछिल्ला समयमा नेकपा एमालेका अध्यक्ष तथा नेपालका प्रधानमन्त्री खड्गप्रसाद शर्मा ओलीको मानसीक तबाव बढेर गएको छ। उसैपनि बोलीको सन्तुलन र बिश्वास गुमाएका उनको इतिहासले यो पटक असफल मात्र होइन आफ्नै दलमा पनि प्रतिपक्ष बढेर गएको छ।

उनि प्रधानमन्त्री भएपछीका भ्रष्टाचारका ठुला काण्डहरु दर्जन नाघेको छ। हरेक काण्डमा उनको संलग्नता प्रत्यक्ष या परोक्ष रुपमा जोडिएको छ। राष्ट्र निर्माता पृथ्वी नारायण शाहलाइ उनले फ्याक्ट चेकले मात्र होइन दलले पनि बिरोध गर्नेगरी तथानाम बोले। त्यसको चर्को बिरोध भयो। ति सबै भ्रष्टाचार र बिरोधलाइ विषयान्तर गर्न उनले झोले कुरा गरे। तर त्यसले पनि काम गरेन।

उनले आफ्ना झोलेहरुलाइ काठमाण्डौ कब्जा र झोले प्रचार गर्न निर्देशन दिए। त्यसले झन् उल्टा असर गरेको छ। एमालेका एक जिल्ला स्तरका नेताले भने, “नमाने भिम रावल बनाउलान, मानौं भने यो बेकुफ कुरा कसरी मानौ। देश बनाउन देशका अर्थतन्त्रका कुरा कतै गर्दैनन, प्रतिपक्षले राखेका जाहेज मागलाइ पनि लात मार्छन, आफ्नै दलकालाइ पनि छप्पन हान्छन अनि यिनका कुरा कसले सुन्ने?”

अन्तत, एकपछि अर्को गर्दै हारेका ओलीले भ्रष्टाचारको झोली लुकाउन फेसबुके झोले प्रचार गरे। तर झोले अभियानले पनि उल्टा नतिजा दियो।

त्यपछि उखान पनि छोडेर संसद चलाउन रुन्चे बिलौना गर्न थालेका छन। सरकारको दिनगन्ति सुरु भैसकेको छ। नेपाली कांगेसमा यो सरकार बिरुद्ध चर्को आवाज बड्दै गएको छ। नागरिक आक्रोस बढेर गएको छ। उनि गएका जति ठाउँमा बिरोध हुन थालेको छ। एक किसिमले उनि पनौती भएका छन्।

कतै कांग्रेस सभापति शेरबहादुर देउबाले भनिएझैं रास्वपा सभापति रवि लामिछाने बिरुद्धको मुद्धा फिर्ता लिएर राजनैतिक समिकरण बदलेर भने यिनै ओलीले रवीजी निर्दोष थिए तर कांग्रेसको जोडका कारण आफूले त्यसो गरेको भनेर दोष जति कांग्रेसलाइ दिने पक्का छ। किनकी यो कुरा गत बर्ष नै प्रमाणित भएको छ। अहिले एमाले र कांग्रेसका एकाथरीले प्रतिसोध लिएका लामिछानेको प्रसंसा गर्नेको होडबाजी नहोला भन्न सकिन्न।

स्मरणीय कुरा, गत महिना देउबा-प्रचण्डलेले सत्ता समीकरणको प्रस्ताव गरेका थिए। तर एमाले र कांग्रेसका धनराज गुरुङ, पूर्णबहादुर खड्का, गगन थापा र गृहमन्त्री रमेश लेखकले नमानेका भनिन्छ। तर राजनैतिक बिश्लेसकहरुले आगामी सत्ता समीकरण कांग्रेस, माओवादी र रास्वपाको नै हुने बताएका छन्।