प्रेस काउन्सिल सम्बन्धी विधेयक माथि राष्ट्रिय स्वतन्त्र पार्टीकी केन्द्रिय सदस्य तथा सांसद डा. तोसीमा कार्कीले संसदमा जरुरी बुँदाहरु राखेकी छन्। उनले प्रतिनिधि सभा बैठकमा प्रस्तुत गरेको धारणामा आफू अडिग भएको बताउँदै विभिन्न तिन मुख्य कुराहरु राखेकी थिइन।
१. प्रेस काउन्सिल स्वायत्त स्वतन्त्र र निष्पक्ष रहन जरुरी छ। यसको गठनमा सरकारले सिफारिस गर्ने र सरकारकै मातहतमा रहने प्रावधान हटाईनुपर्छ।
२. स्वनियमनको प्रावधानलाई थप व्याख्या गर्ने र परिस्कृत गर्नुपर्ने हुन्छ। यो विधेयकले नागरीक र उपभोक्तालाई केन्द्रमा राख्नुपर्छ। प्रेस तथा मिडियाका उभभोक्ताको तर्फको हक अधिकार गुनासो सुनाईको माध्यम थप स्पष्ट बनाउनुपर्नेछ।
३. मिडिया काउन्सिल मार्फत सञ्चारकर्मी र पत्रकारहरूलाई निर्देशन नियन्त्रण र नियमन मात्र गर्ने होइन, खासमा सरकारको विपक्षमा भएका समाचारहरु प्रति कन्ट्रोल गर्ने प्राबधान हटाउनुपर्छ। उनीहरूको व्यक्तित्व तथा व्यावसायिक विकास साथै हकहित स्वतन्त्रता सुरक्षा र संरक्षणको विषयलाई न्याय दिन नसके दबाव, प्रभाव र बाध्यात्मक परिस्थितिमा गरिएको पत्रकारिता स्वच्छ र निष्पक्ष हुनै सक्दैन। यो प्रावधान यस विधेयकको नसमेटिनु समग्र प्रेस क्षेत्रमाथी नै अन्याय हुनेछ। तसर्थ यी विषयहरूलाई यो विधेयकमा सम्बोधन गर्न जरुरी छ।
Video link below:
