News

सभापति देउबालाई सक्सेसर तोक्न दवाव बढ्यो, उनि भने शान्त छन्

hollywood Khabar5 months ago5 months ago1261 mins

Spread the love

नेपाली कांग्रेसको १५ औँ महाधिवेशनको चर्चा चुलिंदै गर्दा कतिले सभापतिको मैदान छोडेको पनि देखियो। यो महाधिवेशनबाट सभापति देउबाको अर्को कार्यकाल हुनेछैन। अनि उनका सक्सेसर को हुने भन्ने होडबाजी पहिला देखि नै चलेको हो। तर सभापति देउबाले भने यसको कुनै छनक दिएका छैनन। धेरै दलको जस्तै कांग्रेसले पनि पार्टीका सभापति निरन्तर रूपमा दुई पदावधिभन्दा बढी उम्मेदवार हुन नपाउने ब्यबस्था छ।

१४ औँ महाधिवेशनमा देउवाको प्यानलबाट को जिते हा हरे भन्ने कुराले अर्थ राख्दैन। देउबा गिभ-एण्ड-टेकमा माहिर छन्। त्यसैगरी विपक्षीलाइ आफूसंगै राखेर पछार्न पनि जानेका छन्। सुरुमा गगन थापालाई सभापति तैं होस् भने अनि गलहत्याएर फालिदिए। अहिले थापा शेखरको शरणबाट उपसभापतिको उम्मेदवार हुने भएका छन्।

उपसभापति पूर्णबहादुर खड्का पछिल्लो समय भ्रष्टाचार र विवादमा डुबेका छन्। उनको कुनै संभावना छैन भन्छन देउबा निकटहरु। बिमलेन्द्र निधिले बेइमानी गरेकाले उनको पालो पक्का भएर पनि उडिसक्यो। गोपालमान श्रेष्ठको चर्चा नै छैन। प्रकाशमानको हैसियत त सबैले देखिसके।

सुनिए अनुसार चाहिं डा. शशांक कोइराला सभापतिका उम्मेदवार हुन्। देउबा गुटमा डा. आरजु देउबा, एनपी साउद, डा. प्रकाशनशरण महत, चन्द्र भण्डारी, प्रदिप पौडेल, बिरबहादुर बलायर, उदय शमशेर राणा, उमेश श्रेष्ठहरु दरिलो लाइनमा छन्। रमेश लेखक महामन्त्रीका लागि थिए तर गृहमन्त्री भएपछी उनले ओलीसँग मिलेर अटेर गरेपछि उनको घर-न-घाट हुने भएको छ। यो पटक पूर्ण बहादुर खड्क केन्द्रिय सदस्यमा झर्ने कुरा सुनिन्छ।

भनिन्छ सभापति देउबा चुप बस्नुको पछाडी अर्को राजनैतिक गेम छ। उनि अहिले दुइ कोइराला लडाउने, अर्को गुट बन्न नदिनलाइ नै सबैलाई नजिक राखिरहेका छन्। तर पछिल्लो समय कसले बाजी मार्छ त्यो भने बाँकी नै छ। देउबाको अध्ययन अहिले आफू राष्ट्रपति हेन या नहुने भन्ने पक्का गर्नमा लागेका छन्।
उता इतरपक्षमा डा. शेखर कोइरालाले अभियान गरेको एक बर्ष नै भयो। जति गरेपनि कोइराला गुटबाट महामन्त्री दुवैजना बिश्वप्रकाश शर्मा र गगन थापा उपसभापतिका उम्मेदवार हुने भएका छन्।