-एनआरएनएमा वैधानिक संकटकाल, संरक्षक परिषद बाहेक सबै पद र निकायको अवधि समाप्त

एनआरएनएमा वैधानिक संकटकाल, संरक्षक परिषद बाहेक सबै पद र निकायको अवधि समाप्त

Hollywood Khabar October 23,2021 Comments

जीएनएन, काठ्माण्डौ, २३ अक्टुवर २०२१

गैरआवासीय नेपाली संघ अन्तरराष्ट्रिय समन्वय परिषद (एनआरएनए आइसीसी) को १० औं अन्तरराष्ट्रिय महाधिवेशन तथा विश्व सम्मेलन रोकिएको मात्र होइन भनिएको समयमा निर्वाचन नै नभएपछि संरक्षक परिषद बाहेक अन्तरराष्ट्रिय कार्यकारी सचिवालय, पदाधिकारीहरु, परिषद र सबै कमिटीहरु स्वत विघटन अर्थात् उनीहरुको पदावधि समाप्त भएको छ।

विधानत: संरक्षक परिषद नै एकल निकायले अब संघका बाँकी कार्य सम्पन्न गर्ने ब्यबस्था बिधानमा छ। संकटको घडी हरेक पटक फरक प्रकृतिको आउने हुनाले सबै विधि दुरुस्त हुँदैनन। त्यसैले धेरै विधि निकायले आफैं बनाउनुपर्छ।अब संघको संरक्षक परिषद मात्र स्थिर रहेको छ। संरक्षक परिषद महाधिवेशन सम्पन्न भएर अर्को नेतृत्वले नयाँ संरक्षक परिषद गठन नगरे सम्म रहने हुन्छ।

यसका साथै नेपाल सरकारको ऐन र संघको विधान दुवैले भने बमोजिम २ बर्षमा कम्तिमा एक पटक अधिवेशन गर्नुपर्ने अबधि समेत गुज्रिएकाले अध्यक्ष कुमार पन्तको नेतृत्वको सबै तहका पदावधि समाप्त भएका छन्। यो ब्यबस्था संघको चालु बिधान र सरकारको गैरआवासीय नेपाली संघ संबन्धि ऐन दुवैले गरेको छ।

अब के हुन्छ?

एनआरएनए जापानका पूर्व सल्लाहकार तथा अन्तर्राष्ट्रिय कानुनका ज्ञाता डा बलराम श्रेष्ठका अनुसार अन्तर्राष्ट्रिय समन्वय परिषद निस्क्रिय रहन गएमा वा अत्यन्तै बिबाद भई संस्था विभाजन हुने अवस्था सिर्जना भएमा संरक्षक परिषदले अन्तर्राष्ट्रिय समन्वय परिषदलाई बैठक बस्न निर्देशन गर्ने र बैठक बस्न नसके वा निर्देशनको पालना नभए सम्पूर्ण राष्ट्रिय परिषदका अध्यक्षहरुको भेला आयोजना गरी संस्थाको संरक्षण गर्ने अधिकार दिएको छ। विधानको धारा १६ (१) (४) को प्रावधान बमोजिम संरक्षक परिषदले विधिपूर्वक अन्तर्राष्ट्रिय समन्वय परिषदको महाधिवेशन गर्ने अधिकार राख्दछ।
यसर्थ गैरआवासीय नेपाली संघको संरक्षक परिषदले संघको जिम्मेवारी लिन्छ।
वैधानिक संकट आए पछि संरक्षक परिषदले संघलाइ पुन: विधिपूर्वक अस्तित्वमा ल्याउन टेक ओभर गर्छ।
बैधानिक संकटकाल भएकाले संघलाइ राइट ट्रयाकमा ल्याउन बाधक हुने बिधानका परिच्छेद र दफाहरु समेत संरक्षक परिषदले सस्पेण्ड गर्न सक्छ
महाधिवेशन र निर्वाचन प्रक्रिया गर्नको लागि अन्तरिम विधि बनाएर कार्यान्वयन गर्न सक्छ
अन्तर्राष्ट्रिय परिषद सदस्य निर्वाचित भएकाले उनीहरुको सपथ ग्रहण र पदभार ग्रहण गराएर परिषदलाइ सक्रिय गराउन सक्छ
महाधिवेशन र निर्वाचनका सबै प्रक्रिया र विधि पुरा गर्न सक्छ

संबन्धित समाचार

एनआरएनए आइसीसी सदस्यहरुको पदभार ग्रहण तुरुन्त नगराए संरक्षक परिषदमा जाने

एनआरएनएका प्रतिनिधिलाइ मन्त्री खड्काले अधिवेशनको काम संरक्षक परिषदलाइ दिन सुझाव दिए

एनसीसीहरुको विश्व सम्मेलनको तयारी पुरा, संकटको निकास दिनका लागि भेला

प्रवासबाट संचालित अनलाइनहरु ह्याक गर्न केपी ओलीका आइटी विज्ञ हायर, २ वटा साइट ह्याक

एनआरएनए २०१९ कार्यकाल समाप्त, आइसीसी इलेक्टहरु बैधानिक, विकल्पमा अन्तरिम अध्यक्ष चयन

एनआरएनएका राष्ट्रिय समन्वय परिषदहरुको विश्व भेला रोकिएको छैन

एनआरएनएको रोकिएको महाधिवेशन, संरक्षक परिषद, एनसीसी अध्यक्ष भेला र विकल्पहरु

कुमार पन्तले काँग्रेसलाई चुनौती दिनु दुखद, एमालेले पन्त जिताउन नेम्वाङको नेतृत्वमा समिति

एनअरएनएको १० औं महाधिवेशन प्रतिनिधि चयनको संरक्षक परिषद र अध्यक्ष पन्तको जिम्मामा, आधिकारिक

गैरआवासीय नेपाली संघमा मौलाएको स्वार्थ र प्रतिष्ठाको लडाईं, जित्नको लागि सँस्था धरापमा

एनआरएन:धाँधलीको सुनुवाइ नभए पछि वाध्य भएर परराष्ट्र मन्त्रालय पुग्नु प-यो