-एनआरएनए महाधिवेशन: ३.०८% सहभागी, ९२% Nay, ८% Yea, अनि सर्वसम्मत ?

एनआरएनए महाधिवेशन: ३.०८% सहभागी, ९२% Nay, ८% Yea, अनि सर्वसम्मत ?

Hollywood Khabar January 23,2021 Comments

कृष्ण के सी, अमेरिका, पहिलो पटक जनवरी २३, २०२१ मा र दोश्रो पटक नोवेम्बेर १, २०२१ मा पोष्ट

प्रसङ्ग

गैरआवासीय नेपाली संघको बिधान २००३ को संसोधित २०२१ संघ र आम गैरआवासीय नेपालीको हितमा छैन भन्ने व्यक्ति त्यो समय म एक्लो मात्र थिए। कतिपयले मलाइ यो केटो कराइरहन्छ भनेर वास्तै गरेनन।न काम चलाउए (काच) अध्यक्ष कुमार पन्तले न उनका २०१९ का निकटम कुल आचार्यले नै वास्ता गरे।
काच महासचिव डा हेमराज शर्माले मेरो सूचना दिने र पाउने सबै एक्सेस काटिदिए। सूचनाको इमेल आउने कुरा पनि ब्लक गरेका थिए र अझै पनि कहिले आउँछ कहिले आउँदैन।
मेरो कुरामा संघभित्र र बाहिर कसैले पनि ध्यान दिएनन्। केवल एउटा जुममा म र काच उपाध्यक्ष सोनाम लामा सँगै परेका थियौं। मेरो कारण सहितको प्रतिक्रिया पछि उहाँले बिधान पुन:पढ्नु भयो रे। त्यसपछि बिस्तारै सोनाम दाइ र अरुहरुको पनि प्रतिक्रिया आउन थाल्यो।
तर पनि मैले मेरो कुरा निरन्तर राखी नै रहें। अन्तत मेरो बिषयको उठान अहिले आएर कामचलाउ आइएस, ओबी र परिषद सबैलाई झ्वाट्टै लागु भयो।

यस अगाडीका कुरा पहिलाको नै राख्ने अनुमति मागे

गैरआवासीय नेपाली संघ (एनआरएनए) को बिशेष महाधिवेशन २०२१ जनवरी २३-२४, २०२१ मा सम्पन्न भयो। जुममा आयोजित महाधिवेशनको उद्घाटन जनवरी २३, २०२१ शनिबार तत्कालिन माननीय परराष्ट्रमन्त्री प्रदिप ज्ञवालीले गरे। आफ्नो उद्घाटन मन्तब्यमा मन्त्री ज्ञवालीले सहमत भएका बिषय मात्र छलफलमा ल्याउन सुझाएका थिए। तर बिधान छलफल नै नगरी २ जनाको सहमति भनेर चोरीबाटो निर्वाचन कसरी जित्ने भनेर ल्याइयो। यसैको परिणाम संघ र सबैले भोग्नुपरेको छ।

१. महाधिवेशनमा संस्थापक अध्यक्ष डा उपेन्द्र महतो (हाल पूर्ण रुपमा नेपाली मात्र भएका, एनआरएनको हैसियत समाप्त भएका) उपस्थित भएनन्। संघका टास्कफोर्सले आयोजना गर्ने कार्यक्रममा उपस्थित हुने डा महतो संघको गत महाधिवेशन २०१९ र यो पटकको बिशेष महाधिवेशनमा पनि उपस्थित भएनन्। पूर्व अध्यक्षहरु मध्ये प्रमुख संरक्षक समेत रहेका शेष घलेले फरक मत लिखित रुपमा पढेर सुनाए। पूर्व अध्यक्ष देबमान हिराचनले पनि फरक मत जाहेर गरेका थिए। पूर्व अध्यक्ष भवन भट्टले मिश्रित विचार दिएता पनि घुमाउरो रुपमा चुनौती दिए। सो महाधिवेशनमा केवल पूर्व अध्यक्ष जीवा लामीछानेले मात्र आजोजनाको पक्षमा मन्तब्य दिएका थिए।

२. महाधिवेशनमा यो लेख्दै गर्ने व्यक्ति बिशेष रुपमा रिपोर्टिङ्गको लागि आधिकारीक व्यक्ति मात्र होइन महाधिवेशन प्रतिनिधि, संघको २०१९-२०२१ कार्यकालको मानार्थ परिषद सदस्य पनि हो। तर पनि प्रवेश गराइएको थिएन। यति सम्मकी संघको बिशेष महाधिवेशनमा संघका अन्तराष्ट्रिय परिषद सदस्य, राष्ट्रिय समन्वय परिषद अध्यक्ष, २६०० भन्दा धेरै भनिएका प्रतिनिधि मध्ये २३०० भन्दा धेरै अनुपस्थित थिए। संघको संचार टिमका संयोजक तथा प्रवक्ता डिबी क्षेत्री बाहेक कसैलाई पनि सहभागी गराइएन। पदाधिकारी र सल्लाहकारलाइ मात्र राखियो भनिएको थियो। यस्तैमा पहिलो सत्र समाप्त भयो। ५ घण्टा कुरेपछि कुनी सांकृतिक ब्रेक भन्ने समयमा बल्ल केहिर बेर इन पाइयो तर त्यो समय ३० मिनेट पनि रहेन होला, मलाइ जुम हालबाट हटाइयो। दोश्रो दिन त प्रवेस नै दिइएन।

३. दोश्रो सत्रमा बिधानको छलफल थियो। २६०० भन्दा धेरै प्रतिनिधिलाइ बाइपास गरेर दुइजना व्यक्तिले सहमति गरेको भनिएको मस्यौदा प्रस्तुत गरियो। कसैलाई असहमत हुन नपाउने, उत्तर कोरियाको जस्तो आदेश सुनाइयो। महाधिवेशन अनि संस्थाको बिधानको छलफलमा प्रतिनिधिलाइ असहमति राख्ने ठाउँ थिएन। सुन्दा पनि उदेक लाग्दो।

४. यति मात्र होइन च्याट बक्समा लेखेका कमेण्टलाइ केहि पढियो केहि सुनाइएन। QA मा राखिएका मेसेज कुरा त् लेख्ने व्यक्ति आफैले मात्र हेर्न सकिन्थ्यो, अरुले देख्दैनथिए। जे सुकै भए पनि अनिबार्य रुपमा मस्यौदा पास गर्नुपर्ने हुकुमत उपाध्यक्ष मन के सी र पूर्व प्रवक्ता भुषण घिमिरेको थियो। त्यसपछि त्यहाँ रहनु र नरहनुको कुनै अर्थ थिएन। तर पनि सुन्नको लागि केहि व्यक्तिहरु थिए।

५. उपस्थित मध्ये पनि थुप्रै असहमति थिए, कमेन्ट थिए तर पनि बिचार दिन मौका दिएका थिएनन्। महासचिव डा हेम राज शर्माले चिनेका, जानेका, समर्थक र बोलाइएकालाइ मात्र मौका थिएका थिए। क्यानाडा र अमेरकाका एनसीसी अध्यक्षलाइ अन्तिममा मात्र दिने भनियो। क्यानाडाका अध्यक्ष चिरनजीवि घिमिरे र अमेरिकाका अध्यक्ष सुनिल साहको बिधानमा असहमति थियो। केहि अरु व्यक्तिको पनि असहमति थियो। यो लेख्ने व्यक्तिले पनि १८ बुंदामा असहमति लिखित रुपमा नै जाहेर गरेको थियो। प्रस्तुत बिधानमा बोल्ने मौका नदिएकाले च्याप्ट बक्समा NO VOTE लेखेको पनि थियो। यो व्यक्तिलाई ५ पटक हात उठाउँदा पनि मौका एक मौका दिइएन।त्यसपछि जुममा रहनुको कुनै अर्थ थिएनन। निस्केको तर त्यसलाई पनि अनिबार्य सर्वसम्मत भनियो रे। मलाइ थाहा छैन सर्वसम्मत भनेको के हो तर प्रस्तुत बिधानमा म सहमत थिइन, कसैले कान खोलेर सुने हुन्छ।

६. महाधिवेशनको बिधानमा भएको छलफलको बखत २६०० प्रतिनिधि मध्ये २८६ जना उपस्थित थिए। यो भनेको कुल प्रतिनिधिको ३.८% मात्र हो। त्यसैगरी २८६ जना जम्मा उपस्थित मध्ये ८० जना मात्र प्यानलमा थए। यसको मतलब ८० जनालाई मात्र च्याप्ट बक्समा लेख्ने मौका थियो। बोल्ने मौका त कता हो कता। प्रतिनिधिको ३% उपस्थित अनि उपस्थितमध्ये पनि २७.९७% लाइ मात्र मौका भनेको चाहिँ के होला ? ८० जना मध्ये २५-३० जनाले मात्र विचार राख्न पाए। अर्थात प्रतिनिधिको ०.९६ % ले मात्र विचार राख्न पाए। त्यसमा पनि ५ जना जति मात्र सहमत थिए। बिचार राख्नेको ०.१९% भन्दा पनि कमले समर्थन गरेको बिधान कसरी सर्वसम्मत भयो ?

अन्तमा; महाधिवेशनमा बिचार राख्न नपाएकोले मेरो बिचार यहाँ पोखेको छु। तागत छ भने २६०० प्रतिनिधिलाइ भोट गर्न दिउँ, नतिजाले कति नाङ्गो बनाउँछ त्यो चाहिं हेर्न योग्य होला। अध्यक्ष कुमार पन्तज्यू चुनौती स्वीकार छ त ?

कृष्णार्पण !

संबन्धित समाचार

एनआरएनमा कुल आचार्यले जित्नेमा म विश्वस्त छु:प्रधानमंत्री देउवा

एनआरएनए आइसीसीको कार्यकाल आइतबार सकिंदै, ३० नोभेम्वरमा चुनाव गराउन अध्यक्ष पन्तको प्रस्ताव

एनआरएनए एनसीसीहरुको अन्तराष्ट्रिय भेला अक्टुवर २४, अध्यक्ष पन्त र प्रमुख संरक्षक घले प्रमुख

एनआरएनएमा परराष्ट्रको निर्देशन छलेर पदावधि बढाउने दाउ, समाचार विश्लेषण

एनआरएनएको रोकिएको महाधिवेशन, संरक्षक परिषद, एनसीसी अध्यक्ष भेला र विकल्पहरु

एनआरएनएको विवाद समाधान गरी निर्वाचन गराउन संरक्षक परिषद् तयार र सक्षम छ

एनआरएनहरुको महाधिवेशन सर्ने, चुनाव हार्नेको बितण्डा र हण्डीकारको नाङ्गो हर

परराष्ट्रको चिठी:एनआरएनए जापान र जर्मनीमा चुनाव, युके र अमेरिकामा नपर्ने, समाचार विश्लेषण

विधान विपरितका काम तत्काल सच्याउन एनआरएनएलाई परराष्ट्रको निर्देशन, समयमै महाधिवेशन गरौँ

एनआरएनलाइ परराष्ट्रले भन्यो:महाधिवेशनका ६५ प्रतिशत खारेजी, पुरानो चलन अनुसार लिनु