अमेरिकाबाट सुरु भएर नेपाल लगायत देशमा काम गर्ने उद्येश्यले स्थापना भएको सँस्था जय नेपाल इन्टरन्याशनल फाउन्डेसनले नेपाली नयाँ वर्ष २०८२ को अवसरमा विश्वभरका नेपाली माझ शुभकामना आदान प्रदान कार्यक्रम सम्पन्न गरेको छ।
अप्रिल १२, २०२५ शनिबार जुममा भएको कार्यक्रममा नेपाली कांग्रेसका वरिष्ठ नेता तथा केन्द्रीय सदस्य डा. शेखर कोइराला प्रमुख अतिथि थिए। कार्यक्रममा नेपाली कांग्रेसका केन्द्रीय सदस्य तथा पूर्व परराष्ट्रमंत्री एनपी साउद, नेपाली कांग्रेसका केन्द्रीय सदस्य तथा पूर्व मंत्री अर्जुन नरसिंह केसी लगायतका नेताहरुको आतिथ्यता रहेको थियो।
जय नेपाल इन्टरनेशनल फाउन्डेसनको ग्लोबल युथ नेटवर्कले भर्चुअल माध्यमबाट नयाँ वर्ष २०८२ को स्वागतसँगै शुभकामना आदान प्रदान संगै सुरु भएको कार्यक्रम दुइ चरणमा सम्पन्न गरिएको थियो। पहिलो चरणमा सँस्थाका सभापति डा. यादव पण्डितले संस्थाको बारेमा चिनारीदिनुका साथै नयाँ वर्षको शुभकामना समेत प्रदान गरे। सो क्रममा बिभिन्न नेता तथा व्यक्तिहरुबाट शुभकामना र मन्तब्य समेत प्रदान गरियो।
नेपाली कांग्रेसका वरिष्ठ नेत तथा केन्द्रीय सदस्य डा. शेखर कोइराला
हामी अत्यन्तै नाजुक अवस्थाबाट गुज्री रहेका छौं। नेपाली कांग्रेस, एउटा डेमोक्रेटिक पार्टी त हौँ, तर डेमोक्रेटिक नर्म्स अनुसार हिडेका छौ कि छैनौ? हामी हिडेका छैनौ। हाम्रो प्रयत्न २०८२ को मंगसिर भित्र अधिवेशन गर्नु पर्ने हो, आगामी चार वर्ष भित्र। आम निर्वाचन पछि २०८४ पछि कांग्रेसको अधिवेशन गर्ने भनेर पनि आइ रहेको छ। यो कुरालाई कसरी समाधान गर्ने भन्ने कुरा तपाईंहरुलाई नै छाडी दिन्छु। भात्री संस्थाहरुको अधिवेशन हुन् नसकेको वर्षौं भयो। तदर्थवादमा पार्टी चलि रहेको छ।
दुइ ठूला दल नेका र नेकपा एमाले मिलेर सरकार बनायौं। नेका र माओवादी मिलेर चुनाव लड्यौं। एमाले र मओवादी, नेका र माओवादी, एमाले र नेकाको सरकार बन्यो। राजनीतिक अस्थिरता भयो। भ्रष्टाचार न्यूनीकर गर्ने, सुशासन दिने, कानूनको शासन स्थापना गर्ने, नौ महिनामा यी कुनै पनि कुरामा यो सरकार अगाडी बढ्न सकेको छैन। नेका मूकदर्शक बनेर बसेको देखिन्छ।
अहिले सडकमा जुन आक्रोश देखिएको छ यसलाई धेरै नेताहरु राजाको उक्साहटमा भै रहेको भन्ने छ। तर त्यो सोचाइ पुरै ठिक हो भन्न म सक्दिन। गएको ९ महिनामा संविधान संशोधन, न भ्रस्टाचार, न आर्थिक विकासका कुरालाई अगाडी बढाउन सक्यौं न अन्य केही रामा कुरा गर्यौं।
य युवाहरु किन सडकमा आक्रोश पोखी रहेका छन्। उनीहरुलाई राजनीतिक दलहरुप्रति वितृष्णा उत्पन्न गरिदिएको छ। उनीहरुलाई शान्त पार्ने उपाय हामी गर्न सक्छौं। तर त्यसको पहल सरकारले गर्नुपर्यो। सडकको आक्रोशमा विश्व व्यापारयुद्ध थपिएको छ। हाम्रै छिमेकमा उथलपुथल देखिएको छ। यसमा गम्भीर रुपले सोचेर जानुपर्ने अवस्था छ।
आज सडकमा शिक्षकहरु छन्। सहकारी पीडित, लघु वित्त पीडितहरु, रेजिडेन्ट डक्टरहरु पनि सडकमा छन्। यसलाई सम्बोधन गर्न सकेनौं भने स्थिति हाम्रो हातबाट बाहिर जान सक्छ। नेपाली कांग्रेसले मात्रै यस्तो अवस्थाबाट बचेर लागेको छ। हामी अन्य प्रजातान्त्रिक दलहरुसँग काँधमा मिलेर जानुपर्छ। त्यसका लागि तपाईहरुको काँधमा ठूलो जिम्मेवारी आएको छ। यही संविधान भित्र बसेर सबै दलसंग छलफल गर्नुपर्छ। त्यो काम नेपाली कांग्रेसले मात्रै गर्न सक्छ।
देश भित्र र देश बाहिर पनि नेकालाई एउटा जिम्मेवार पार्टीको रुपमा हेरिएको छ। दोहोरो नागरिकता नेपालको कानुनमा छैन तर गैर आवासीय नेपाली नागरिकता लिएका साथीहरु जससको जनसम्पर्क समितिको अध्यक्ष बन्न सक्ने तर महाधिवेशन प्रतिनिधि बन्न नसक्ने। संविधानमा एनआरएनको लागि जे कुरा लेखिएको छ राजनीति बाहेक सबै सुविधा भिसा रिन्यु गर्ने कुरा हुदैन। कानून बनेर अगाडी बढ्नुपर्छ। हामी यो कुरा संसदमा राख्छौं।
नेपाली कांग्रेसका केन्द्रीय सदस्य तथा पूर्व परराष्ट्रमंत्री एनपी साउद
नेका अहिले चुनौती पूर्ण अवस्थामा छ। राजनैतिक गठबन्धनका बारेमा नेपाली जनतामा अन्यौल छ। अस्थिरताको संदेश दिएको छ। संविधान संशोधन गरेर हामीले नेपाली जनताका समस्यालाई सम्बोधन गर्न सक्छौ कि भन्ने हो। तर स्थिरताको संदेश दिन सकी रहेका छैनौ। कांग्रेस र एमाले बीच सात बुंदे सहमति लागू भै रहेको छैन। गैर आवासीय नेपालीले पनि भूमिका निर्वाह गर्नु पर्ने अवस्था छ।
पार्टी एक्लै आफ्नी बुतामा चुनाव लडेर बहुमत प्राप्त गर्न पार्टीलाई बलियो बनाउनु पर्ने आवश्यकता। कार्यकर्ताहरुको योगदानको आधारमा मूल्यांकन गर्नुपर्ने। भ्रत्री संस्थाहरुको समय मै अधिवेशन गर्नु पर्ने। अभिलेख राख्ने पद्धति विकास गर्नु पर्ने। अनुशासन उल्लङ्घन भै रहेको। पार्टी बलियो बनाए पछि मात्रै प्रजातन्त्र बलियो हुन्छ। देश बाहिर रहेका नेपाली हरुको अधिकार के हो? नेपाल सरकार तपाईंहरुको अभिभावक हो भनेर एनआरएन नागरिकता दिन सुरु गरिएको थियो। संविधानमा जुन प्रबन्ध छ, राजनीतिक अधिकार बाहेक सबै अधिकार नेपाली नागरिक सरह पाउनु पर्छ भन्ने संविधानको मान्यता हो। तर कार्यान्वयनमा आउन सकेको छैन। तुरुन्त सम्बोधन गर्नु पर्छ।
पासपोर्ट नवीकरण, नेपालमै आउनु पर्ने वाध्यता हटाउने काम भै रहेको छ। नेपाली कांग्रेसको स्पेस खुम्चादै गएको छ राष्ट्रिय राजनीतिमा। द्वन्द्वको पहिलो आक्रमण लोकतन्त्रमा हुन्छ, देश कमजोर हुन्छ। परराष्ट्र नीति देशको आन्तरिक नीतिको विस्तार हो भनिन्छ। तर हाम्रो आन्तरिक नीति बाह्य शक्तिको छायामा पर्न सक्ने खतरा देखिन्छ। १४ औं महा धिवेशनको म्यान्डेट अहिले पनि साकार हुन सकेको छैन।
नेपाली कांग्रेसका केन्द्रीय सदस्य तथा पूर्व मंत्री अर्जुन नरसिंह केसी
नयाँ वर्ष भनेको क्यालेन्डर परिवर्तन मात्रै हैन। नयन यात्रा र नयाँ संकल्पको सुरुवात पनि हो। कहाँ कहाँ हामी चुकेका छौं, सिंहावलोकन गरेर जाउँ। विदेशमा बसेका साथीहरु हामी भन्दा बढी चिन्तित पाएको छु। लोकतन्त्र र प्रजातन्त्र दुवै शब्दमा मलाई आपत्ति छैन। विश्वको परिवेशबाट हेर्दा हामी कुन अवस्था मा छौं। राष्ट्रिय परिस्थिति अत्यन्त जटिल छ। जनतामा व्याप्त निराशाले निकास खोजेको छ। अहिले जति नकारात्मक स्थिति कहिल्यै थिएन।
हामी नयाँ कार्यक्रम र दृष्टिकोण लिएर अगाडी बढ्न सकेनौ भने असंगठित अराजकता तर्फ जान सक्ने खतरा छ। बालेन, हर्क, भ्रस्टाचार, कुशासन, आर्थिक अराजकता, दण्ड हीनतालाई एकमुष्ट सम्बोधन गर्न सक्छौ कि सक्दैनौ ? अहिलेको चुनौती त्यही नै हो।
कांग्रेसले मात्रै यसलाई सम्बोधन गर्न सक्छ।
दुवै छिमेकीसंग सन्तुलन गर्न सक्ने शक्ति नेपाली कांग्रेस हो तर पहिले कांग्रेस भित्रै सुधार गर्नु पर्ने आवश्यकता छ। हरेक दिन हजारौं युवा विदेश गैरहेका छन्। देश दक्षिण पन्थ्री र कम्युनिषटहरुको चेपुवामा परेको छ। नयाँ नेतृत्व, नयाँ नीति र विचारको आवश्यकता छ।
सातओटा संविधान मध्ये ५ ओटा संविधानको नेतृत्व गरेको पार्टी हो कांग्रेस। पूर्व प्रधान न्यायाधीशको संयोजकत्वमा शक्तिशाली आयोग बनाएर छानबिन गर्न दिउँ-त्यसो भयो भने २५ प्रतिशत निराशा कम हुन्छ। भ्रस्टाचारको स्थिति कहाली लाग्दो छ। एसिया प्यासिफिक ग्रुप टास्क फोर्सले ग्रे लिष्टमा राखेको छ। हाम्रो आर्थिक अवस्था कहाली लाग्दो छ।
पार्टी भित्रै सुधारको लागि निरन्तर संघर्ष ग-यौं। व्यक्ति व्यक्ति झुण्डको पछि लाग्न सकिदैन। नेपाली कांग्रेस समन्वयवादी पार्टी हो। जुन जुन बेला राष्ट्रमा संकट आउँछ, संकटमोचन गर्न सक्ने पार्टी हो। हामी अहिले सातौं संविधानमा छौं। संविधान सभाले बनाएको संविधान हो।
यही संविधानलाई सुधार गर्दै अगाडी बढ्नु पर्छ। दुइ ओटा ठूल ठूला पार्टी मिलेर सरकार बनाउंदा पनि निराशा चिर्न नसक्नु दुखको कुरा। संविधान संशोधनको स पनि उच्चारण भै रहेको छैन। विश्व द्वन्द्वको थलो। पार्टी भित्र विचारको एकता, एउटा लोकतान्त्रिक पद्धतिमा विश्वास गर्ने पार्टी। १४, १५ वर्षदेखि भ्रत्री संस्थाहरुको अधिवेशन हुनसकेको छैन। जसले परिक्रमा गर्छन उनीहरुलाई पुरष्कृत गर्ने परम्परा बस्यो। साथीहरुले चिन्ता हैन, चिन्तन गर्नु पर्ने आवश्यकता छ।
२०८२ चिन्तनको वर्ष बन्न सकोस्। अहिलेको परिस्थिति लोक तन्त्र मात्रै हैन सिंगे राष्ट्र र राष्ट्रियताको निम्ति भुनौती देखिएको छ। अर्को द्वन्द्वबाट मुलुकलाई जोगाउने दायित्व पनि नेपाली कांग्रेसको हो। संविधान ब्रह्म वाक्य हैन, संशोधन र परिवर्तन गरेर जानुपर्छ।
गुरुराज घिमिरे, नेका नेता तथा नेविसंघ पूर्व सभापति
नेपालको लोकतन्त्र सुद्रिध हुने तर्फ अग्रसर होस्। उज्जैनबाट प्रारम्भ भएको विक्रम सम्बत् अपनाएका छौं। नेपाली समाजले आर्थिक फड्को मार्न सकेन। दल भित्र र दलहरु भित्र एकता देखिएन। ७६१ सरकारले उत्साहजनक काम गर्न सकी रहेका छैनन्। कांग्रेसले अभिभावकीय भूमिका नेतृत्व निर्वाह गर्नु पर्छ। कांग्रस अहिले औसत दलमा परिणत भएको छ। सत्तामा मात्रै केन्द्रित भएको छ। नयाँ पुस्ता निराश छन्। विदेशिइ रहेका छन्। पार्टी भित्र बेथिति छ, यो २०८२ मा रोड म्याप तयार गरेर सफलता प्राप्त गर्न सकौं।
शुक्र राज शर्मा, सभापति, नेका गण्डकी प्रदेश
कांग्रेस आफ्नो विरासतमा फर्कने काम। विगत मा जो आन्दोलन गर्यौं, त्यतिबेला हामी संग विरासत थियौं, त्यसलाई हामीले छोडेका छौं। प्रजातन्त्र र लोकतन्त्र कदापि एक हुन् सक्दैनन्। कम्युनिष्टका नारा र सिद्धान्त अंगिकार गरेको हुनाले कुनै पनि परिणाम जनतालाई दिन सकेका छैनौ। आज हामी सत्तामा भए पनि परिणाम दिन सकेका छैनौं। धर्म निरपेक्षता लाई हटेर धार्मिक स्वतन्त्रतामा जाऔं।
अब कांग्रेसलाई आफ्नो विरासतमा फर्काउनु पर्छ। यसका लागि डा. शेखर कोइरालाले नेतृत्व लिनु पर्यो। पार्टीको विरासतमा न फर्कीकन नेपाललाई देश र प्रजातन्त्रलाई बचाउन सक्दैनौ। भक्त सिरोमणी र सेवक हुन्। हामी जनताका सेवक हौँ। समाज वाद उन्मुखको ठाउँआ समाज वाद कायम गरौँ। जय नेपालको अभियान सबै नेपालीको साझा बनाउने तपाईंहरुको प्रयास सफल होस् भन्ने शुभकामना।
कार्यक्रमको दोश्रो चरणमा शुभकामना आदानप्रदान गरिएको थियो। जसमा कुल आचार्य, अशोक पोखरेल, डा. ज्ञानेन्द्र रेग्मी, केशर घलान, बुद्धि सुवेदी, आर के त्रिपाठी, डा. केशब पौडेल, रविना थापा, बिष्णु सुबेदी, कृष्ण के सी लगायतले आफ्नो शुभकामान र धारणा राखे।
