-शान्ता सापकोटा खनाल, आरुघाट , गोरखा, जनवरी ९, २०२१
रातको चकमन्नतामा
मन कतै बहकिएको बेला
जीवनबाट रङ्ग हराएजस्तो
मलिन र खिन्न अनुहार लिएर
सडकपेटीमा भौँतारिइरहँदा
पारि क्षितिजमा आफ्नो अस्तित्व
गुमाइरहेको सूर्यजस्तो
जीवन कस्तो ! कस्तो !!
भुस्याहा कुकुरहरूको एकोहोरो भुकाइ
तिनीहरूकै साथमा
चिसो बतास
सायद यस दुनियाँलाई
उपहास गर्दै
प्रतिवादमा उत्रिएको
त्यो मान्छे-
आँसुको अर्थ नभेटेर
खिस्स हाँसिदिन्छ !!
फेरि
यताउता दृष्टि फ्याँकेर
नि: शब्द टोलाउँछ
मन सम्हाल्ने कोसिस गर्छ
शीतले भिजेको शिर सुम्सुम्याउँदै
रातको अन्तिम प्रहर बितेपछि
भोलि आउने त
आखिर दिनै त हो !
यही आशाले
त्यो मान्छे -
समय बिताउँदै
समय पर्खिरहेको छ !!
सिफारिस
केप कड नेपाली समाजको साधारण सभा र तेस्रो अधिवेशन सम्पन्न
चिर्पट प्रहार गरी हत्या गरेको अभियोगमा उमेश तामाङ पक्राउ
तिमी मेरो जिन्दगी-भिडियो
एनआरएनएमा कुन बाटो होइन मुक्त राजनीतिको मूल बाटो