शीत वर्षिरहेको छ तप....तप....
शीतले कैले बर्सिन छाेडेन
उसले अाफ्नाे बिरानाे पनि भनेन
बर्षाैदेखि धर्ती रूझाइरहयाे
ऊ बर्सि रहयाे
कर्कलाकाे पातमा माेती झै
ऊ टल्किरहयाे
उसलाई देखेर कैले
प्यासले तिर्खा मेट्ने प्रयास गरेन
प्रकृतिसँग सदियाैदेखि उसले
मूल्यविहीिन भएर प्रित लगाइरह्रयो
ऊ बर्सिरह्याे निरन्तर
निरन्तर बर्सिरह्यो ।
माटाे र चट्टानकाे काप फाेरेर
रसिलाे पारी उर्वर बनाउन
जुनकाे महिमा गाउँदै
समयसँग संझाैता गरी
फूललाई प्रित सिकाउन
शीतल रसुन्दरताकाे उपमा दिन
ऊ शालीन भएर
साँझदेखि बिहानसम्म
बाझाे धर्ती सिचिरह्याे
ऊ बर्सिरह्याे तप...तप....।
हाे साेचेनाै कैले हामीले
उसका मर्म र धर्मका कुरा
बर्षादकाे पानी र कुलाेकाे लगानीसगै
अबमूल्यन गरिरहयाै
कैले थापेनाै बलेसीकाे तप्केनीमा
रित्ताे घडा
उपहास गरी सिकेनाै कैले
उपकारका कुरा
त्यसैले
सिक्नु छ अब
शालीनता ,सद्भाव
धीरता र समभावका कुरा
काब्यमा उतार्नु छ
जुन र शीतका
सुगन्ध छरी उष्णता हर्न
विश्व हरियाली बनाउने
प्रितले भरिएकाे महिमाकाे कुरा
शीतले धरासँग मीत लगाएकाे कुरा
शीतले धरासँग प्रित लगाएका कुरा ।
= शुभद्रा भट्टराई,झापा मेचिनगर
सिफारिस
जगदिश समाल र बबिना भट्टराईको स्वरमा फूल जस्ती माया
अमेरिकाका ईन्जिनियर बिरेन थारु अभिनित गीत
मे डे अर्थात ८ घन्टा काम, ८ घन्टा मनोरञ्जन र ८ घन्टा आराम अनि नेपालको...
ललितपुरको बडिखेलमा आगोलागि, एकजनाको मृत्यु