१५ औं आहा रारा गोल्डकपको उद्घाटन खेलमा आयोजक सहारा क्लबले अग्रता लिएको छ । उद्घाटन खेलमा आयोजक सहारा क्लब पोखराले पहिलो हाप सम्ममा सुदुरपश्चिम ११ स्पोर्टिङ क्लबलाई ३- ० ले पछि पारेको छ ।
सहाराका लागि २ गोल विदेशी खेलाडीले गरेका छन् । सहाराका लागि पहिलो गोल ५ औ मिनेटमा मार्टिनले गरे भने दोस्रो गोल खेलको २६ औ मिनेटमा रिचार्ज पुनले गरे ।त्यसै गरि तेस्रो गोल ३७ औ पिटर सेगुनले गरेका छन् । भोलीको खेल माघ ५ गते सशस्त्र प्रहरीको एपिएफ क्लब र धरान फुटबल क्लबविच हुने छ ।
उद्घाटन खेलको विजेताले माघ ८ गते युनाइटेड सिक्किम भारतसँग अन्तिम चारको लागि प्रतिश्पर्धा गर्ने छ । त्यसै गरि माघ ५ गते सशस्त्र प्रहरीको एपिएफ क्लब र धरान फुटबल क्लबविच प्रतिश्पर्धा हुनेछ । सो खेलको विजेताले माघ ९ गते लक्ष्मी हुण्डाई मनाङ मस्र्याङदीको सामना गर्नेछ । त्यस्तै माघ ६ गते अमेरिकी टिम र रमपम झापा ११ विच प्रतिश्पर्धा हुनेछ । सो खेलको विजेताले माघ १० गते सेमिफाइनल प्रवेशका लागि आर्मी क्लबसँग खेल्नेछ ।
प्रतियोगिताको अन्तिम प्रि क्वाटरफाइनलमा माघ ७ गते संकटा क्लब र नेपाल पुलिस क्लब भिड्नेछ । सो खेलको विजेताले माघ ११ गते बंगलादेशी टिमसँग प्रतिश्पर्धा गर्ने छ । खेल तालिका अनुसार युनाइटेड सिक्किम, बंगलादेशी क्लब , आर्मी क्लब र मनाङमस्र्याङदी बाई पाएर सिधै क्वाटरफाइनल खेल्नेछन्।
प्रतियोगितामा आयोजक सहारा क्लब, तीन विदेशी र तीन विभागिय टिम सहित १२ टिमको सहभागिता रहेको छ । प्रतियोगिताको फाइनल खेल माघ १५ गते हुनेछ । प्रतियोगिताको विजेताले पाँच लाख एक हजार एक नगद सहित शिल्ड मेडल र प्रमाणपत्र पुरस्कार प्राप्त गर्नेछ । उपविजेतलाई दुई लाख ५१ हजार एक रुपैया नगद पुरस्कार प्राप्त गर्ने छन् ।
सिफारिस
जगदिश समाल र बबिना भट्टराईको स्वरमा फूल जस्ती माया
अमेरिकाका ईन्जिनियर बिरेन थारु अभिनित गीत
मे डे अर्थात ८ घन्टा काम, ८ घन्टा मनोरञ्जन र ८ घन्टा आराम अनि नेपालको...
ललितपुरको बडिखेलमा आगोलागि, एकजनाको मृत्यु