नेपाली कांग्रेसले स्थानीय तह चुनावका लागि एक महिने घरदैलो अभियान सञ्चालन गर्ने भएको छ । कांग्रेसले यही फागुन २९ गतेदेखि स्थानीय तह केन्द्रित अभियान सञ्चालन गर्ने भएको हो । घरघर जाऔं, कांग्रेस जिताऔंं नाम दिइएको अभियान सञ्चालन गर्न कांग्रेसले केन्द्रीय प्रतिनिधि समेत खटाउने भएको छ ।
मंगलबार सानेपामा बसेको उपलब्ध केन्द्रीय सदस्यहरुको बैठकमा सभापति समेत रहेका प्रधानमन्त्री शेरबहादुर देउवाले कांग्रेसले सञ्चालन गर्ने चुनाव प्रचार अभियानमा जुट्न प्रतिनिधिलाई निर्देशन दिएको नेता मोहन बस्नेतले बताए ।
कांग्रेस केन्द्रीय कार्यालयका अनुसार आजै ७७ वटै जिल्लामा केन्द्रीय प्रतिनिधि खटाउने निर्णय भएको हो। केन्द्रीय सदस्यहरूलाई जिल्ला नै तोकेर केन्द्रीय प्रतिनिधि खटाइने कांग्रेसले जानकारी दिएको छ । सरकारले २०७९ साल वैशाख ३० गते स्थानीय तहको निर्वाचनको घोषणा गरेको छ ।
सिफारिस
जगदिश समाल र बबिना भट्टराईको स्वरमा फूल जस्ती माया
अमेरिकाका ईन्जिनियर बिरेन थारु अभिनित गीत
मे डे अर्थात ८ घन्टा काम, ८ घन्टा मनोरञ्जन र ८ घन्टा आराम अनि नेपालको...
ललितपुरको बडिखेलमा आगोलागि, एकजनाको मृत्यु