सुभद्रा लावती
किरात याक्थुङ चुम्लुङ अमेरीकाको छैटौं राष्ट्रिय महाधिवेशन यहि अप्रिल महिनाको २९ तारीक शनिवारका दिन स्थानिय न्यू-योर्क शहरको ज्याक्सन हाईटमा हुने भएको छ । गत फेब्रेवरी २० तारीक २०१७ का दिन बसेको कार्य समितिको बैठकले महाधिवेशन हुने मिति र स्थान तय गरेको कुरा संस्थाको महासचिव सुभद्रा लावतीले बताउँनु भएको छ। अप्रिल ५ भन्दा अगाडि नै गराई सक्नु पर्ने महाधिवेशनलाई बिशेष कारण बस करीब २५ दिन ढिलो गराउँनु पर्ने बाध्यता परेकोले साविकै कार्यसमितिको समय अवधि थपेर महाअधिवेशन संपन्न गर्ने निर्णय पनि सोहि २० तारीक बसेको समितिको बैठकले गरेको कुरा संस्थाका अध्यक्ष देवेन्द्र सोम्बाहाम्फेले बताएका छन।
अमेरिकाको विभिन्न राज्यहरूमा बसोवास गर्ने लिम्बुहरूको उल्लेखनीय सहभागिता गराउँने कुराको जानकारी दिंदै, अध्यक्ष सोम्बहाम्फेले यो अधिवेशनले संस्थाको भावि कार्य दिशा तय गर्ने कुरा बताए । यसका लागि सबै लिम्बु दाज्युभाई तथा दिदीबहिनीहरूलाई एक ढिक्का भएर सहयोग गरी अधिवेशनलाई भव्यताका साथ सफल बनाउँन अध्यक्ष सोम्बाहाम्फेले अपिल गर्नु भएको छ ।
अधिवेशनको सम्पन गराउँनका लागि केहि समितिहरू गठन गरिएको छ । संस्थाको कानुनी सल्लाहकार दुर्गा सुब्बाको संयोजकत्वमा सदस्यहरू करम ब. सुब्बा र बिनोद पोमु भएको एक विधान मसौदा समितिको गठन गरीएको छ । ब्यवस्थापनको जिम्मेवारी पुरै कार्यसमितिले लिएको छ । अधिवेशनको निर्वाचन समितिमा संस्थाको सल्लाहकार मुनिन्द्र नेम्बाङको संयोजकत्वमा सल्लाहकार द्दय बिक्रम नेम्बाङ र जोबिन लिम्बु सदस्य रहेको तिन सदस्यीय समितिको गठन गरिएको छ।
सिफारिस
जगदिश समाल र बबिना भट्टराईको स्वरमा फूल जस्ती माया
अमेरिकाका ईन्जिनियर बिरेन थारु अभिनित गीत
मे डे अर्थात ८ घन्टा काम, ८ घन्टा मनोरञ्जन र ८ घन्टा आराम अनि नेपालको...
ललितपुरको बडिखेलमा आगोलागि, एकजनाको मृत्यु