गजल पर्खदैछु एउटा मौसम

0
shares

by Soni Sharma | Updated: 20 Feb 2020

422 views
लेखिका रत्न मिमोसा

पर्खदैछु एउटा मौसम हावाहुरी बिर्साइदिने,
बर्खैभरी चुहुने त्यो घरको धुरी बिर्साइदिने।

सारा खुशी गुमाएर रित्तिएको थियो बगर,
सुन्छु साहस मिल्यो अरे मायामुरी बिर्साइदिने ।

भाकी रहे प्रकृति पाइदोहोला मलम पट्टी,
आशै चिर्ने बैगुणी त्यो तीखो छुरी बिर्साइदिने ।

हिड्दाहिड्दै मुस्कुराउछु हेर्दै छाया आफ्नै चित्र,
बिरानो यो आकाशधर्ती बिचको दुरी बिर्साइदिने ।