आमाको काखमा लुटुपुटु गर्दै
मुस्कुराउदै हेर्ने ति अवोध अनुहारमा
आज कालो बादल मडारिएको छ।
ममताले भरिएको वात्सल्य छिनाल्दै
यौटा मानवले निर्माण गरेको अस्त्रले
सुन्दर मानाव वस्ती रणभूमि बनाई छाड्यो।
जुन देशमा जन्मे पनि मन त मनै हो
तर मुटु मुटुमा पनि फरक पन आइ दिंदा
तिम्रो पीडाले मलाई असाध्य पोल्न थाल्यो।
सामाजिक संजाल हेर या समाचार
ति लासका थुप्रामा आफन्त खोज्दै
भौतारिएका अवोध बालबालिका।
रुँदै गरेका सन्तान रगतको आँशु बगाउदा
लासको थुप्रोले के उत्तर देला खै
मलाई त मार्यौ बिन्ति मेरा बच्चा लाई बाच्न देउ।
सपना तिम्रा पनि होलान् र मेरा पनि थिए
फरक यत्ति रहेछ सपना बीचमा
म बचाउन चाहन्छु तिमि मार्न।
तिमीलाई चोट लाग्दा तिम्री आमालाई दुख्छ
तिम्रो गोलि बारुद हतियार मेरा सन्तानमा बर्सिदा
न तिमीलाई दुख्यो,न तिम्रो हतियारलाइ।
गल्ति के थियो ति बालबालिकाको
सिरियाको नागरिक भएर जन्मदा
तर त्यो आँशुले पक्कै पोल्नेछ तिमीलाई।
जुनसुकै उदेश्य भएपनि
बिन्ति !बन्द गर,अव त अत्ति भो
बाल नरसंहार सिरियामा।
सिफारिस
तिमी मेरो जिन्दगी-भिडियो
एनआरएनएमा कुन बाटो होइन मुक्त राजनीतिको मूल बाटो
हेड्स नेपालद्वारा मानसिक स्वास्थ्यको क्षेत्रमा काम गर्ने हेड्सको प्रति...
रूपान्तरण!