दशगजाहरू ढालिएलान्
भत्केलान् सिमास्तम्भका बुर्जाहरू
राहदानीमा प्रवेशाज्ञा
लगाए जस्ताे हुदैन
देशकाे सिमा
देशको मानचित्र
शहीदकाे रगतले सिंचिएकाे भूगोल
फर्कदैन नहर फर्काए जस्ताे देश
काेर्न मिल्दैन
सिसाकलमले
स्थापित सिमारेखाकाे निशानी
मेट्न सकिन्न साँध र सिमाना
खाेस्न सक्दैनन् कसैले
मेरो राष्ट्रिय स्वाधीनताकाे स्वाभिमान
राहदानी बाेकिएकाे झाेलाभित्र
जान सक्ला देशको छायाचित्र
अट्न सक्ला त्यहा हिमालकाे चित्र
हस्तकलाकाे फ्रेम भित्र
सजिएर उपहार हुन सक्लान्
वेद,मुन्धुम र त्रिपिटक जन्मेको माटो
साटिएलान् बुद्धका बैचारिक ज्ञानका खावाहरू
तर मेराे देशको सिमारेखा सारियाे र भने
त्यतिबेला उम्लने अामाकाे रगत
जगाउने छिन अामाले अाफ्ना सन्ताहरू
उदघाेष गर्ने छिन
जाेगाउन देश, बचाउन देश।
-ऋषभदेव घिमिरे
सिफारिस
एनआरएनएमा कुन बाटो होइन मुक्त राजनीतिको मूल बाटो
हेड्स नेपालद्वारा मानसिक स्वास्थ्यको क्षेत्रमा काम गर्ने हेड्सको प्रति...
रूपान्तरण!
हारेको कांग्रेसको रुन्चे ढिपीका कारण गृहमन्त्रीले पेश गर्ने बिधेयक सुच...