काठमाण्डौ । गैरआवासीय नेपाली संघ (एनआरएनए) ले लाप्राकमा निर्माण गरिरहेको नमूना बस्तीमा जीविकोपार्जन सम्बन्धी कार्यक्रम सञ्चालन गर्न लूथरियन वर्ल्ड फेडरेशन र गैरआवासीय नेपाली संघवीच सम्झँैता भएको छ।
शुक्रबार काठमाण्डौमा आयोजित कार्यक्रममा संघका अध्यक्ष शेष घले र फेडेरेसन नेपाल देशीय निर्देशक डा. प्रविन मानन्धरले सम्झौतापत्रमा हस्ताक्षर गर्नुभयो ।
हस्ताक्षर कार्यक्रममा आफ्नो मन्तब्य राख्दै फेडेरेसनका देशीय निर्देशक डा. मानन्धरले लाप्राकजस्तो विकट स्थानमा संघले नमुना वस्ती निर्माण गर्न लागेकोमा प्रसंसा गर्नुभयो । सुरक्षित घरसँगै त्यहाँ जीविकोपार्जनको ब्यबस्था हुन सके लाप्राक वस्ती साँच्चिकै नमुना हुने भन्दै उहाँले स्थानीय वासिन्दालाई सीपयुक्त बनाउन सहकार्य गर्न लागिएको बताउनुभयो।
पूर्वाधार तथा सीप बिकास र आयआर्जनका क्षेत्रहरुमा फेडरेशनले नेपालमा काम गरेको तीस बर्ष भई सकेको र यसबाट सिकेका पाठ र ज्ञानहरुको उपयोग गर्दै लाप्राकमा पनि गरिने उहाँले बताउनुभयो ।
फेडेरेसनले लाप्राकका स्थानीय वासिन्दालाई जिविकोपार्जनका दिगो उपायहरु अबलम्बन गर्न सक्नेगरी आयआर्जनका क्षेत्रहरु सिर्जना गैरआवासीय नेपाली संघसँग मिलेर काम गर्ने जानकारी दिनुभयो । एनआरएनएजस्तो संस्थासँग सहकार्य गर्न पाएको खुसी ब्यक्त गर्दै उहाँले यसका लागि सहजीकरण गरिदिनुहुने संघका सल्लाहकार डा. गणेश गुरुङ र नवराज गुरुङप्रति आभार प्रकट गर्नुभयो ।
संघका अध्यक्ष घलेले लाप्राकमा केवल वस्ती बनाउनेमात्र नभई स्थानीय वासिन्दाका लागि आयआर्जन र जीविकोपार्जनका लागि दिगो विकल्पहरु पनि सिर्जना गरिदिन संघले पहल गरेको बताउनुभयो । सोही चिन्ता र चासोका कारण संघले लूथरियन वल्र्ड फेडरेशन जस्तो अनुभवी र परिपक्क संस्थासँग सहकार्य गर्न अग्रसर भएको उहाँले बताउनुभयो ।
अध्यक्ष घलेले नेपालमा सहयोग गर्ने पवित्र चाहनाले काम गर्न खोज्दा पनि सहज नभएको तितो यथार्थ रहेको उल्लेख गर्दै त्यो परिस्थीतिसँग फेडेरेसनसमेत जानकार रहेको हुँदा यो सहकार्य दिगो हुने अपेक्षा गर्नुभयो ।
कार्यक्रममा संघका महासचिव, प्रवक्ता, महिला संयोजक, सल्लाहकार तथा अन्य गैरआवासीय नेपाली अगुवा एवं फेडेरेसनका कर्मचारीको पनि उपस्थीति थियो ।
रञ्जु थापा वाग्ले,
प्रवक्ता,
गैरआवासीय नेपाली संघ अन्तर्राष्ट्रिय समन्वय परिषद्
१ सेप्टेम्वर २०१७
सिफारिस
एनआरएनएमा कुन बाटो होइन मुक्त राजनीतिको मूल बाटो
हेड्स नेपालद्वारा मानसिक स्वास्थ्यको क्षेत्रमा काम गर्ने हेड्सको प्रति...
रूपान्तरण!
हारेको कांग्रेसको रुन्चे ढिपीका कारण गृहमन्त्रीले पेश गर्ने बिधेयक सुच...