दिपक अभिमन्यू

परीक्षा

Hollywood Khabar August 26,2017 Comments

जीन्दगीले परिक्षा लिईरह्यो
म सहभागी भईरहेँ
कहिले खरोउत्रिए
कहिले कमजोर
मेरो उत्रिर्णतामा
सबैले वाह वाह गरे
जव म अनुतिर्ण भए
मलाई सान्त्वना दिने कोहि भएनन्
म निराश र हतास हुन्थे
मन विचलित हुन खोज्थ्यो
त्यो परिस्थितीमा
तिमी बाहेक कोहि थिएन
मात्र साथमा तिमी थियौ
दुनिया स्वार्थी छ भन्ने त थाह थियो
तैपनि मेरो परिक्षाको क्रम रोकीएन
जिन्दगीले परिक्षा लिईरह्यो
प्रश्नपत्र बिना नै म परिक्षा दिई रहे
मेरो उत्तरको पनि कुनै परिधी थिएन
कहिले उतिर्ण हुदै गए त कहिले
अनुतिर्णको क्रम रोकिएन
न त जिन्दगीले परिक्षा लिन छाड्यो
न त म परिक्षा दिन छाडेँ
जिवन हर क्षण परिक्षा भयो
म सदा परिक्षार्थी ।