घनश्याम श्रेष्ठ, काठमाडौँ/५/२२/२०
थाहा छैन मलाई,
मान्छेहरु किन महान सम्झिन्छन आफुलाई,
आई लव यु" माया प्रेम सस्तो भाछ सबैलाई !
प्रेम गर्नु पर्दा न हेर्छ जात, न त कुरा गर्छ भात,
कत्ति लाग्छ कत्ति आफै माया पिरतीको मात !!
मनबाट सुरु हुन्छ प्रेम,
झाँगिदै फैलिंदै तनबदनमा,
तर अड्किन्छ गएर किन त्यो जातमा !
लाग्छ कहिले थुक्क कस्तो ए ! तिमि जात,
धिक्कार छ,
जोबन चल्ने तर भोजन नचल्ने कस्तो त्यो मात !!
देश बदल्न ठुलाठुला कुरा गर्नेहरु,
कहाँ सक्षम छन् र यहाँ बदल्न आफु र आफ्नालाई !
अचम्म लाग्छ देखि यो समाज लाई,
अनि,
धिक्कार यस्ता देखावटी रिति रिवाज लाई !!
न कुनै योगदान, न आफ्नो अधिकार जातमा
तैपनि,
किन मानिस मानिस छुट्टिन्छन छुवाछुत र भेदभावमा !
सयौ बर्ष बिते यहाँ, बिते कयौ समाजमा,
तैपनि,
छौ किन आज हामी उही समस्या उही स्थानमा !!
आत्मसम्मान अनि हौसला मात्रै हैन,
तन, मन, मुटु सबै लुटिएको छ यहाँ !
छुवाछुत र भेदभाव अपराध अनि अभिशाप यो देशमा,
घिटघिट हुँदा रगत दिनेको जात सोध्दैन कसैले मर्ने बेलामा !!
थाहा छैन मलाई,
मान्छेहरु किन महान सम्झिन्छन आफुलाई,
लाग्छ कहिले थुक्क कस्तो ए ! तिमि जात,
धिक्कार छ,
जोबन चल्ने तर भोजन नचल्ने सस्तो त्यो मात लाई !!
**कसै कसैको जिबनमा घटेको सन्चो घटना भएकोले कसैलाई चोट पुग्न गएमा हृदय देखि क्षमा चाहन्छु**
सिफारिस
तिमी मेरो जिन्दगी-भिडियो
एनआरएनएमा कुन बाटो होइन मुक्त राजनीतिको मूल बाटो
हेड्स नेपालद्वारा मानसिक स्वास्थ्यको क्षेत्रमा काम गर्ने हेड्सको प्रति...
रूपान्तरण!