१३ जेठ जनकपुर।सप्तरीमा कोरोना भाइरसको लक्षण देखिएकी एक गर्भवती महिलाको मृत्यु भएको छ । सप्तरी जिल्लाको कञ्चनरुप नगरपालिका वडा नम्बर ११ की अन्दाजी २५ वर्षीया गर्भवतीको सोमबार रातिबाट अत्यधिक ज्वरो आएको र श्वासप्रश्वासमा समस्याका कारण मंगलबार बिहान करिब साढे ६ बजे मृत्यु भएको हो। सो कुरा जिल्ला स्वास्थ्य कार्यालय सप्तरीका प्रमुख दुनियालाल यादवले जानकारी दिएका हुन्।
ति गर्भवती महिलालाई अचानक ज्वरो आएको र श्वास लिनमा समस्या भएपछि राजविराज स्थित एक क्लिनकमा उपचारका लागि ल्याइएको र सामान्य उपचारपछि घर फर्काईएको थियो। सामान्य उपचारपछि घर फर्काइएकी उनको समस्या बढेपछि मंगलबार बिहान उनको मृत्यु भएको थियो । कोरोना भाइरसको लक्षण देखिएकोले महिलाका स्वाब जाँचको लागि धरान पठाइएको छ ।
आफन्तलाई पीपीई दिएर सुरक्षाकर्मी र स्वास्थ्यकर्मीको निगरानीमा शवलाई जलाउने निर्णय भएको प्रमुख यादवले बताए ।
सिफारिस
एनआरएनएको ११ औं महाधिवेशन तथा बिश्व सम्मेलन, तयारी तिब्र, प्रतिनिधि आउ...
एनआरएनए हङकङको राष्ट्रिय महाधिवेशन सम्पन्न, पूर्ण रानाको नेतृत्वमा नया...
दक्षिण ललितपुर हुँदै मकवानपुर जोड्ने कान्ति लोकपथ ४५ दिन बन्द हुने
गोदावरी नगरपालिकाको ८ औं स्थापना दिवस, राष्ट्रिय व्यापी हाफ म्याराथन स...